Jaceuq 10 - Akha

Yaw tsaˬ yaw dawˇ jeˬ gʼaˇ duˬ guiˬ lahˬ shaˇ-eu

¹ Sahˬpaˬ Miˬyehˇ-oˇ, aˬjeˬmiˇneh gaˇmahˇkaˬte. Nga maꞈshaˬzahˬnaꞈdui dui ngeh, aˬjeˬmiˇneh dzuˇzaꞈluꞈte.

² Haiˬ-eu tsawˇhaˬnui ma huiˬ-awˇ, yaw shaˬzaˬ-ahˇnawˬtehˬluꞈngeh, yawˬha neh kʼmˇ-euˬ lahˇju-ahˇ yawˬhaˇyawˬha bi paꞈleˇ-awˬ.

³ Yaw haiˬdeuˬ nui kʼahˇ mˇ dehˆ-awˇ, nui kʼahˇkʼahˬsehˇdeh luꞈ-eu meh. Nui kʼahˇhuiˬ-eu deuˬtuˇlaˇ-awˇ, SahˬpaˬMiˬyehˇ-ahˇ yaˬ-eu meh.

⁴ Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

⁵ Haiˬ-eu tsawˇhaˬdehꞈdzaˬlaˇ-awˇ, Miˬyehˇyaˇkʼaˬdaˇ-eu gaˇkawˆ, noeˬsiˬnoeˬmawˇ-eu maˬbaw-ehˇ. Aˬyawꞈ-ahˇmuiˇ-eu tsawˇhaˬ-ahˇ, cehꞈlehꞈ ka niˇgʼa haw-eu meh.

⁶ “Ngaˇtiˬjawˇ-iˬ maˬsm-iˇ-ehˇ, shaˬzahˬmaˬjaˆ”lehˇehˇluꞈmeh.

⁷ Yaˬkʼehˇyaˬ-awˇ jaˬmyawꞈmyawꞈ-eu, aˬcawˬ-ahˇlmˬguˆnehˬ-eu jeˬ, mehˬboeˬ-ahˇpaꞈtawꞈtaˬ-euˬmeh. aˬcawˬ-ahˇbye-eu jeˬ ehˇ-awˇ, dawˬdoeˇngehˬ-eu kawˇdui dui meh.

⁸ Pu doe ni aˬ yawꞈ dzuˇ zaꞈ-awˇ, yaw lehˬmaˬjaˆ-eu tsawˇhaˬ-ahˇ, sehꞈ-eu lehˇ nawˬjawˬluꞈ-eu meh. maˬgʼeh nya-eu iˇshaˬzaˬ-ahˇ, kʼehˬ-eu gʼaˇduˬ kʼoeˬsho luꞈmeh.

⁹ Byoe-ahˇdzuˇzaꞈ-awˇloꞈluꞈ-eu, aˇlaˬjaˬshiˇtiˬmawˇloꞈ-ehˇ, iˇshaˬzaˬdeuˬ-ahˇ loꞈluꞈ-awˇ, tsawˬkawꞈ-awˇ baꞈahˇdzaˬ-eu meh.

¹⁰ Maˬgʼeh nya-eu iˇshaˬzaˬdeuˬ, haiˬ-eu gʼaˬneh dawꞈlah-euˬmeh.

¹¹ “Miˬyehˇngehˬma gʼeh nehˬle-ehˇ, myaˆhaw maˬcawˬnehˬle-aˇ”lehˇ, yaw haiˬkʼoeˇgʼaˬ noeˬluꞈ-eu meh.

¹² Sahˬpaˬ Miˬyehˇ-oˇ, oe-awˬ. bi kʼehˬ-euˬdeuˬ-ahˇmaˬngehˇni, nawˬ-euˬaˬlaꞈ caw ja leꞈ-awˇ, haiˬ-eu deuˬ-ahˇ nawˇzuiˆle-awˬ.

¹³ Haiˬ-eu deuˬyaw zeu maˬbaw-ehˇ, “Miˬyehˇngaˬ-ahˇmaˬkʼehˬ-aˇlehˇ”, aˬjeˬmiˇneh ya bi ehˇta.

¹⁴ Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

¹⁵ Haiˬ-eu laꞈdu ngawˬkʼehꞈnehˬ-awˇ, yaw haiˬmaˬmˇnya gaˇkeuˆni, haiˬ-eu deuˬ-ahˇnawˇkʼehˬnehˬ-awˬ.

¹⁶ Mˬmaˬmaˬbyaˇzaˇziˇ sahˬpaˬ, SahˬpaˬMiˬyehˇ nawˇpyeuꞈ-eu meh. Miˬyehˇ nui deuˬ-ahˇgʼoe-eu deuˬ, heu kʼahˬlaꞈkʼoeˇ byoˆ-iˇtehꞈ-a.

¹⁷ Sahˬpaˬ Miˬyehˇ-oˇ, nui nahˬnui yu ahˇ-eu deuˬ-euˬ shaˇdawˬ-ahˇnaˇhaˬgeuꞈnehˬ-awˇ. nui ma-ahˇgʼaˬbiꞈlahˬnehˬ-awˬ.

¹⁸ Bi kʼehˬbi kʼaˆ-euˬdeuˬhawˇ-eu, muˇcoe aˬnmˇngoeˇteˇ gaˬ-awˇ, kʼehˬ-eu kʼaˆ-eu jeˬ byoˆ-iˇni, gʼawˬshaˬgaˬ-awˇyaˇkʼaˬdaˇ-awˬ.