Jaceuq 1 - Akha

Guiˬ lahˬ huiˬ-eu tsawˇ haˬ

JA CEUˬ-EU SAHˬ BOꞈ YAW BEH TAꞈ

¹ Guiˬlahˬhuiˬ-eu tsawˇhaˬdeuˬ-aˬ, maˬtsaˬmaˬdawˇ-eu tsawˇhaˬ-euˬ mehˬbawˬ mˇgaˇ maˬnaˇhaˬ-a. Iˬbaˇmˇ-eu tsawˇhaˬdeuˬ-ahˇ, naˇhaˬgeuꞈ-awˇ maˬcaw teh-ehˇ, Miˬyehˇ-ahˇ maˬ zeu-eu deuˬ-ahˇ, taꞈ leˇ gm leˇ-eu maˬ baw-a.

² SahˬpaˬMiˬyehˇ-euˬ Zahˇdawˬ-ahˇ, naˇhaˬgeuꞈgaˇ laˬkʼaˬcehˇ-awˇ, uˬciꞈnah gʼahˇ maˬtsehˆleˇni, Zahˇdawˬ dzaw geuꞈ-eu baˬda neh,

³ lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

⁴ Maˬtsaˬmaˬdawˇ-eu tsawˇhaˬ-aˬ , jaˬlehˇ neh bi hehˇdzaˬgʼeh-euˬ gʼo yoeˬ jehˆbymˇ-ahˇduˇ-eu meh.

⁵ Iˬbaˇmˇ-eu tsawˇ haˬdeuˬ-aˬ, Miˬyehˇ neh yaˇkʼaˬbi daˇ-awˇ, gʼoˆbaˬlaꞈnyiˇ ya shaˬtehꞈ-a.

⁶ Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.