Bawˇtsahˬ 7 - Akha

Aˬ yuiꞈ aˬ tsu deuˬ-euˬ lawˇ-eu jeˬ

¹ Sahˬpaˬ Miˬyehˇ jawˇ-eu Sehˬ gʼawˆ Moˇseˬ gʼoˆ tsoꞈ-awˇ tsoˆ gʼaˬ ngeh nah, Sehˬ gʼawˆ hawˇ-eu kʼoeˇ-euˬ keu ka deuˬ-ahˇ maˬ ehˇ, lawˇ duˬ hawˇ-eu kʼoeˇ-euˬ keu ka deuˬ-ahˇ maˬ ehˇ, aˬ yawꞈ tsiˇ lehꞈ nehˬ-euˬ meh.

² Kʼoeˇ naˇ, Iˇsaˬleˬlaˆ tsawˇ jeuˬ tsawˇ ca deuˬ-euˬ aˬ yuiꞈ aˬ tsu pyeuꞈ-eu tsawˇ myahˇ yuˇ gaˇ haw-eu pyaˆ-eu tsawˇ haˬ deuˬ,

³ aˬ yawꞈ maꞈ-euˬ lawˇ-eu jeˬ Sahˬpaˬ Miˬyehˇ jawˇ gaˇ yuˇ laꞈ-euˬ meh. Laˆ lawˬ koꞈ laˇ hawˇ-eu mawˇ neˇ mawˇ gaw tseˇ nyiꞈ mawˇ yuˇ laꞈ-euˬ meh. Nyiˬ gʼaˬ-euˬ laˆ lawˬ tiˬ laˇ hawˇ-eu tiˬ gʼaˬ-euˬ mawˇ neˇ mawˇ gaw tiˬ mawˇ doˇ-ehˇ yuˇ laꞈ-euˬ jeˬ pyeuꞈ-eu meh. Aˬ yawꞈ maꞈ kʼoeˇ loꞈ-ehˇ yuˇ laꞈ-awˇ biꞈ nehˬ laˇ gʼaˬ ngeh,

⁴ Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

⁵ “Sehˬ gʼawˆ laꞈ kʼoeˇ mˇ paˬ-ehˇ jaˆ-eu jeˬ mˇ gaˇ geuꞈ-eu gʼaˇ duˬ,aˬ yawꞈ maꞈ neh biꞈ laˇ-euˬ kʼoeˇ ha geuꞈ-awˇ, Leˬbiˇ tsawˇ haˬ deuˬ-ahˇ biꞈ-awˇ, aˬ yawꞈ maꞈ ya mˇ-eu jeˬ bi mˇ-awˬ.”

⁶ Kʼoeˇ naˇ, laˆ lawˬ kʼoeˇ deuˬ hawˇ-eu mawˇ neˇ mawˇ gaw kʼoeˇ deuˬ Leˬbiˇ tsawˇ haˬ deuˬ-ahˇ Moˇseˬ biꞈ nehˬ-euˬ meh.

⁷ Geˬlaˬshoˬ aˇ jeuˬ-ahˇ, laˆ lawˬ nyiˬ laˇ hawˇ-eu mawˇ neˇ mawˇ gaw oeˬ mawˇ aˬ yawꞈ biꞈ-euˬ meh.

⁸ Meˬlaˬliˇ aˇ jeuˬ-ahˇ laˆ lawˬ oeˬ laˇ hawˇ-eu mawˇ neˇ mawˇ gaw yehꞈ mawˇ aˬ yawꞈ biꞈ-euˬ meh. Aˬloˬ-euˬ aˬ li Iˇdaˬmaˬ neh kʼaˇ mehˬ kʼaˇ tsoˆ nehˬ-euˬ loꞈ-ehˇ, aˬ yawꞈ maꞈ-euˬ gaˇ aˬ yawꞈ maꞈ ya mˇ-eu meh.

⁹ Ehˇ kʼawꞈ, Kawˇhaˆ aˇ jeuˬ-ahˇ laˆ lawˬ hawˇ-eu mawˇ neˇ mawˇ gaw Moˇseˬ maˬ biꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ gaˇ-aˬ, aˬ yawꞈ maꞈ haw luꞈ pyaˆ luꞈ-eu muiˬ-eu shawˇ-eu mˇ myawˬ keu ka deuˬ-ahˇ, aˬ yawꞈ maꞈ-euˬ baꞈ pu kʼoeˇ taˆ ya baꞈ-eu gaˇ pyeuꞈ-eu meh.

¹⁰ Lawˇ duˬ a nehˬ-eu bawˬ-iˬ jahˇ-eu gʼaˇ duˬ lawˇ-eu jeˬ kʼawꞈ, aˬ yuiꞈ aˬ tsu kʼoeˇ deuˬ yuˇ laꞈ-euˬ meh. Aˬ yawꞈ maꞈ neh yuˇ laꞈ-euˬ lawˇ-eu jeˬ kʼoeˇ lawˇ duˬ mehˬ shi yuˇ keuˆ laꞈ ngeh,

¹¹ Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tseˇ nyiꞈ nah aˇ yamˬ laꞈ kʼoeˇ, tiˬ nah-euˬ Iˇsaˬleˬlaˆ tsawˇ haˬ aˬ yuiꞈ aˬ tsu tiˬ gʼaˬ yawˬ ha neh yuˇ laꞈ-euˬ lawˇ duˬ a nehˬ-eu lawˇ-eu jeˬ ya biꞈ meh lehˇ ehˇ nehˬ-awˬ.”

¹² Yaw beh nah-ahˇ yawˬ ha neh yuˇ laꞈ-euˬ lawˇ-eu jeˬ biꞈ laˇ-euˬ gʼaˬ-aˬ, Yuˇdaˆ tsawˇ jeuˬ Aˬmiˇnaˬdehˇ-euˬ aˬ li Naˬshoˬ meh.

¹³ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ, kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

¹⁴ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

¹⁵ miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu tiˬ myaˇ byah-eu yawˇ zaˬ aˬ buˬ tiˬ mawˇ,

¹⁶ iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

¹⁷ cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Aˬmiˇnaˬdehˇ-euˬ aˬ li Naˬshoˬ neh lawˇ-euˬ lawˇ-eu jeˬ pyeuꞈ-eu meh.

¹⁸ Nyiˬ nah tiˬ nah-ahˇ Iˇsaˬleˬlaˆ tsawˇ jeuˬ kʼoeˇ taˆ aˬ yuiꞈ geuꞈ-eu Zawˇlaˆ-euˬ aˬ li Naˬdaˬneˬlaˇ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

¹⁹ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

²⁰ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

²¹ miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu ,tiˬ myaˇ byah-eu yawˇ zaˬ aˬ buˬ tiˬ mawˇ,

²² iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

²³ cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Zuˇaˆ-euˬ aˬ li Naˬdaˬneˬlaˇ neh lawˇ-euˬ lawˇ-eu jeˬ pyeuꞈ-eu meh.

²⁴ Smˬ nah tiˬ nah-ahˇ, Zeˬbuˬluˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Heˬloˬ-euˬ aˬ li Eˇliˇbaˆ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

²⁵ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

²⁶ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

²⁷ miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

²⁸ iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

²⁹ cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Heˬloˬ-euˬ aˬ li Eˇliˇbaˆ neh lawˇ-euˬ lawˇ-eu jeˬ pyeuꞈ-eu meh.

³⁰ Oeˬ nah tiˬ nah-ahˇ, Luˇbeˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Sheˬduˇ-euˬ aˬ li Eˇliˇzuˇlaˆ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

³¹ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu je dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

³² yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

³³ miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

³⁴ iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

³⁵ cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah laˇ-euˬ yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Sheˬduˇ-euˬ aˬ li Eˇliˇzuˇlaˆ neh lawˇ-euˬ lawˇ-eu jeˬ pyeuꞈ-eu meh.

³⁶ Ngaˬ nah tiˬ nah-ahˇ, Suˇmoˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Zuˇliˇshaˬdehˇ-euˬ aˬ li Sheˬluˇmeˬlaˇ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

³⁷ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

³⁸ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

³⁹ miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

⁴⁰ iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

⁴¹ cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Zuˇliˇshaˬdehˇ-euˬ aˬ li Sheˬluˇmiˬlaˇ neh lawˇ-euˬ lawˇ-eu jeˬ pyeuꞈ-eu meh.

⁴² Koꞈ nah tiˬ nah-ahˇ, Gaˆ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Doeˬlaˇ-euˬ aˬ li Eˇlaˬsaˆ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

⁴³ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

⁴⁴ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

⁴⁵ miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ,

⁴⁶ iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

⁴⁷ cawˬ cawˬ taꞈ-euˬ lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah laˇ-euˬ yawˇ zaˬ aˬ bu ngaˬ mawˇ, heu deuˬ meh. Heu-aˬ, Doeˬlaˇ-euˬ aˬ li Eˇlaˬsaˆ neh lawˇ-euˬ lawˇ-eu jeˬ pyeuꞈ-eu meh.

⁴⁸ Shiꞈ nah tiˬ nah-ahˇ, Eˇpaˬleˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Aˬmiˇhuˆ-euˬ aˬ li Eˇliˇshaˬmaˇ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

⁴⁹ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

⁵⁰ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

⁵¹ miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

⁵² iˬ baˇ shawˇ-eu lawˇ-euˬ jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

⁵³ cawˬ cawˬ taꞈ-euˬ lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Aˬmiˇhuˆ-euˬ aˬ li Eˇliˇshaˬmaˇ neh lawˇ-euˬ lawˇ-eu jeˬ meh.

⁵⁴ Yehꞈ nah tiˬ nah-ahˇ, Maˬnaˇseˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Peˬdaˬzuˇ-euˬ aˬ li Gaˬmaˬleˬlaˇ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

⁵⁵ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ kaˇ-ahˇ tsaˬ-eu ngaˬ kaˇ byah-eu pyuˇ sehˇ byehˇ tiˬ byehˇ,

⁵⁶ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

⁵⁷ miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

⁵⁸ iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

⁵⁹ cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Peˬdaˬzuˇ-euˬ aˬ li Gaˬmaˬ leˬlaˇ neh lawˇ-euˬ lawˇ-eu jeˬ pyeuꞈ-eu meh.

⁶⁰ Gʼoeˬ nah tiˬ nah-ahˇ, Beˬyaˬmiˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Giˇdawˇniˆ-euˬ aˬ li Aˬbiˇdahˬ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

⁶¹ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-euˬ jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ kaˇ-ahˇ tsaˬ-eu ngaˬ kaˇ byah-eu pyuˇ sehˇ byehˇ tiˬ byehˇ,

⁶² yaw saw jeꞈ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

⁶³ miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

⁶⁴ iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

⁶⁵ cawˬ cawˬ taꞈ-euˬ lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Giˇdawˇniˆ-euˬ aˬ li Aˬbiˇdahˬ neh lawˇ-euˬ lawˇ-eu jeˬ pyeuꞈ-eu meh.

⁶⁶ Tseˇ nah tiˬ nah-ahˇ, Daˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Aˬmiˇshaˬdehˇ-euˬ aˬ li Aˬheˇzaˬ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

⁶⁷ Aˬ yawꞈ neh yuˇ laꞈ-euˬ lawˇ-eu je-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-euˬ jeˬ dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

⁶⁸ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

⁶⁹ miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

⁷⁰ iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

⁷¹ cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Aˬmiˇshaˬdehˇ-euˬ aˬ li Aˬheˇzaˬ neh lawˇ-euˬ lawˇ-eu jeˬ pyeuꞈ-eu meh.

⁷² Tseˇ tiꞈ nah tiˬ nah-ahˇ, Aˬsaˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Awˇkaˬlaˇ-euˬ aˬ li Paˬjeˬlaˇ gʼaˬ, aˬ yawꞈ-euˬ lawˇ-eu jeˬ yuˇ laꞈ-euˬ meh.

⁷³ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

⁷⁴ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

⁷⁵ miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

⁷⁶ iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

⁷⁷ cawˬ cawˬ taꞈ-eu lawˇ-eu jeˬ gʼaˇ duˬ mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Awˇkaˬlaˇ-euˬ aˬ li Paˬjeˬlaˇ neh lawˇ-euˬ lawˇ-eu jeˬ pyeuꞈ-euˬ meh.

⁷⁸ Tseˇ nyiꞈ nah tiˬ nah-ahˇ, Naˬtaˬliˇ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu Eˇnaˬ-euˬ aˬ li Aˬhiˇlaˬ gʼaˬ, aˬ yawꞈ-euˬ lawˇ-euˬ jeˬ yuˇ laꞈ-euˬ meh.

⁷⁹ Aˬ yawꞈ neh yuˇ laꞈ-euˬ lawˇ-eu jeˬ-aˬ, dzaˬ la gʼo cehˇ lawˇ-eu jeˬ pyeuꞈ-eu tsiˇ keuˬ taˬ-euˬ muiˬ-eu cehˇ meu dawˆ ahˇ taˬ-euˬ, kaˇ-ahˇ tsaˬ-awˇ gʼoeˬ kaˇ byah-eu pyuˇ naˬ bo tiˬ bo hawˇ-eu, kʼoeˇ loꞈ-ehˇ dzaˬ la gʼo cehˇ lawˇ-eu jeˬ dawˆ ahˇ taˬ-euˬ kaˇ-ahˇ tsaˬ-awˇ ngaˬ kaˇ byah-eu pyuˇ sehˇ byehˇ tiˬ byehˇ,

⁸⁰ yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

⁸¹ miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

⁸² iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ,

⁸³ cawˬ cawˬ taꞈ-euˬ lawˇ-eu jeˬ gʼaˇ duˬ, mawˇ neˇ mawˇ gaw nyiˬ mawˇ, yawˇ aˬ buˬ ngaˬ mawˇ, ciꞈ myehꞈ ciꞈ buˬ ngaˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ ngaˬ mawˇ, heu deuˬ meh. Heu-aˬ, Eˇnaˬ-euˬ aˬ li Aˬhiˇlaˬ neh lawˇ-euˬ lawˇ-eu jeˬ pyeuꞈ-eu meh.

⁸⁴ Heu deuˬ-aˬ, lawˇ duˬ-ahˇ tsiˇ lehꞈ-awˇ a nehˬ gaˇ geuꞈ-eu gʼaˇ duˬ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ neh yuˇ laꞈ-euˬ lawˇ-eu jeˬ pyeuꞈ-eu meh. Pyuˇ naˬ bo tseˇ nyiꞈ bo, pyuˇ sehˇ byehˇ tseˇ nyiꞈ byehˇ hawˇ-eu, shuiˇ kʼmˬ maˬ tseˇ nyiꞈ kʼmˬ meh.

⁸⁵ Pyuˇ naˬ bo aˬ yawꞈ bo yawꞈ gʼoeˬ kaˇ byah-awˇ, pyuˇ sehˇ byehˇ aˬ yawꞈ byehˇ yawꞈ ngaˬ kaˇ byah-eu meh. Pyuˇ naˬ bo hawˇ-eu pyuˇ sehˇ byehˇ dawˬ tawˆ luꞈ, kaˇ-ahˇ tsaˬ ni nyiˬ heˇ oeˬ yaˇ jawꞈ-i byah-eu meh.

⁸⁶ Yaw saw jeˬ dawˆ ahˇ taˬ-euˬ shuiˇ kʼmˬ maˬ kʼoeˇ tseˇ nyiꞈ kʼmˬ-aˬ, aˬ yawꞈ kʼmˬ yawꞈ kaˇ-ahˇ tsaˬ-awˇ, shiꞈ ja byah-eu meh. Shuiˇ kʼmˬ maˬ kʼoeˇ deuˬ dawˬ tawˆ luꞈ yehꞈ kaˇ oeˬ ja byah-eu meh.

⁸⁷ Dzaˬ la gʼo cehˇ lawˇ-eu jeˬ nehˬ-ehˇ tiˬ kawˆ loꞈ-ehˇ miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ jeˬ zaˬ dawˬ tawˆ luꞈ, mawˇ neˇ mawˇ gaw zaˬ tseˇ nyiꞈ mawˇ, yawˇ aˬ buˬ tseˇ mawˇ hawˇ-eu tiˬ myaˇ byah-eu yawˇ zaˬ aˬ buˬ tseˇ nyiꞈ mawˇ byah-eu meh. Iˬ baˇ shawˇ-eu lawˇ-eu jeˬ lawˇ-eu gʼaˇ duˬ ciꞈ myehꞈ ciꞈ buˬ tseˇ nyiꞈ mawˇ meh.

⁸⁸ Cawˬ cawˬ taꞈ-eu lawˇ-eu jeˬ lawˇ-eu gʼaˇ duˬ jeˬ zaˬ dawˬ tawˆ luꞈ, mawˇ neˇ mawˇ gaw nyiˬ tseˇ oeˬ mawˇ, yawˇ aˬ buˬ koꞈ tseˇ mawˇ, ciꞈ myehꞈ ciꞈ buˬ koꞈ tseˇ mawˇ hawˇ-eu, tiˬ myaˇ byah-eu yawˇ aˬ buˬ koꞈ tseˇ mawˇ meh. Heu deuˬ dawˬ tawˆ luꞈ, lawˇ duˬ-ahˇ tsiˇ lehꞈ gʼaˬ-awˇ a nehˬ ngeh geuꞈ-euˬ lawˇ-eu jeˬ pyeuꞈ-eu meh.

⁸⁹ Sahˬpaˬ Miˬyehˇ-ahˇ dawˬ ngehˬ cawˬ leˇ-eu gʼaˇ duˬ, Sehˬ gʼawˆ laꞈ kʼoeˇ Moˇseˬ uˇ leˇ ngeh, dawˬ ma saˇ jaˇ bahˬ keuˆ kʼmˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ kawˇ yaw kaˬ-ahˇ, Sahˬpaˬ Miˬyehˇ aˬ yawꞈ-ahˇ dawˬ ngehˬ cawˬ gaˇ ya gaˬ-euˬ meh.