Bawˇtsahˬ 29 - Akha

Gaˇ tahˇ paˇ-eu Bawˬ-iˬ gʼeh ngeh lawˇ-eu jeˬ

¹ Ba la shiꞈ siˬ tiˬ siˬ yaw beh nah-ahˇ, naw maꞈ gaˇ maˬ mˇ ni, tiˬ gaˇ uiˬ leˇ-awˇ, uˬ duˬ ya tahˬ meh.

² Kʼoeˇ ngeh nah-ahˇ daˇ heh ya baw meh. Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ, heu deuˬ yuˇ-awˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu gʼaˇ duˬ, miˬ dzaˬ dzah puiˆ-awˇ lawˇ-eu jeˬ ya lawˇ meh.

³ Saˬ loˬ tsiˇ keuˬ taˬ-euˬ cehˇ meu neh dzaˬ dzaˬ dawˇ dawˇ lawˇ-eu jeˬ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ, cehˇ meu smˇ pehˬ hawˇ-eu, yawˇ aˬ buˬ nehˬ-ehˇ cehˇ meu nyiˬ pehˬ ya lawˇ meh.

⁴ Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ ya lawˇ meh.

⁵ Iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ lawˇ-awˇ, Iˇsaˬleˬlaˆ tsawˇ haˬ deuˬ bi shawˇ laˇ-eu zahˇ ya jahˇ meh.

⁶ La shuiꞈ nah-ahˇ lawˇ-eu miˬ dzaˬ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ hawˇ-eu, aˬ yawꞈ nah yawꞈ lawˇ-eu miˬ dzaˬ dzah puiˆ-awˇ lawˇ-eu jeˬ nehˬ-ehˇ lawˇ ahˇ luꞈ-eu dzaˬ la gʼo cehˇ lawˇ-eu jeˬ, aˬ gaꞈ dzaˇ uiˇ lawˇ-eu jeˬ, heu deuˬ dawˬ tawˆ luꞈ uˬ taꞈ, kʼoeˇ loꞈ-ehˇ ya lawˇ meh. Kʼoeˇ loꞈ-ehˇ lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Iˬ baˇ sha dzeh-eu Aˇ nah-ahˇ lawˇ-eu jeˬ

⁷ Ba la shiꞈ siˬ tiˬ siˬ tseˇ nah tiˬ nah-ahˇ, gaˇ maˬ mˇ-ehˇ, maˬ dzaˬ maˬ dawˇ ni lah-eu laꞈ kʼoeˇ, tiˬ gaˇ uiˬ leˇ-awˇ uˬ duˬ tahˬ-awˬ.

⁸ Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ, heu deuˬ yuˇ-awˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu gʼaˇ duˬ, miˬ dzaˬ dzah puiˆ-awˇ lawˇ-eu jeˬ ya lawˇ meh.

⁹ Saˬ loˬ tsiˇ keuˬ taˬ-euˬ cehˇ meu neh dzaˬ la gʼo cehˇ lawˇ-eu jeˬ lawˇ-awˬ. Mawˇ neˇ mawˇ gaw mawˇ nehˬ-ehˇ cehˇ meu smˇ pehˬ lawˇ-awˇ, yawˇ aˬ buˬ mawˇ nehˬ-ehˇ cehˇ meu nyiˬ pehˬ lawˇ-awˬ.

¹⁰ Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ lawˇ-awˬ.

¹¹ Iˇsaˬleˬlaˆ tsawˇ haˬ deuˬ bi shawˇ laˇ-eu zahˇ jahˇ gaˇlawˇ-eu ciꞈ myehꞈ hawˇ-eu aˬ gaꞈ dzaˇ uiˇ lawˇ-eu jeˬ hawˇ-eu, dzaˬ la gʼo cehˇ lawˇ-eu jeˬ nehˬ-ehˇ aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ heu deuˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.

Sehˬ gʼawˆ-euˬ Bawˬ-iˬ gʼeh ngeh lawˇ-eu jeˬ

¹² Ba la shiꞈ siˬ tiˬ siˬ tseˇ ngaˬ nah-ahˇ, tiˬ gaˇ uiˬ leˇ-awˇ uˬ duˬ ya tahˬ meh. Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ, shiꞈ nah keuˆ ni gaˇ maˬ mˇ-ehˇ bawˬ-iˬ heu hmˬ gʼeh-awˬ.

¹³ Aˇ dahˬ beh ngeh nah, maˇ byawꞈ maˬ baw-eu mawˇ neˇ mawˇ gaw zaˬ tseˇ smˬ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ, heu deuˬ yuˇ-awˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu gʼaˇ duˬ, dzaˬ dzaˬ dawˇ dawˇ lawˇ-eu jeˬ ya lawˇ meh.

¹⁴ Saˬ loˬ tsiˇ keuˬ taˬ-euˬ cehˇ meu neh dzaˬ la gʼo cehˇ lawˇ-eu jeˬ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ cehˇ meu smˇ pehˬ ya lawˇ-awˇ, yawˇ aˬ buˬ aˬ yawꞈ mawˇ yawꞈ nehˬ-ehˇ cehˇ meu nyiˬ pehˬ ya lawˇ meh.

¹⁵ Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ ya lawˇ meh.

¹⁶ Dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ nehˬ-ehˇ aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.

¹⁷ Nyiˬ nah tiˬ nah-ahˇ maˇ byawꞈ maˬ baw-eu mawˇ neˇ mawˇ gaw zaˬ tseˇ nyiꞈ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ ya lawˇ meh.

¹⁸ Mawˇ neˇ mawˇ gaw, yawˇ aˬ buˬ hawˇ-eu yawˇ zaˬ kʼoeˇ deuˬ nehˬ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ, kʼaˇ loˬ-eu loꞈ-ehˇ ya lawˇ meh.

¹⁹ Dzaˬ dzaˬ dawˇ dawˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ nehˬ-ehˇ aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ, ciꞈ myehꞈ ciꞈ buˬ tiˬ mawˇ ya lawˇ meh.

²⁰ Smˬ nah tiˬ nah-ahˇ, maˇ byawꞈ maˬ baw-eu mawˇ neˇ mawˇ gaw zaˬ tseˇ tiꞈ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ ya lawˇ meh.

²¹ Mawˇ neˇ mawˇ gaw, yawˇ aˬ buˬ hawˇ-eu yawˇ zaˬ kʼoeˇ deuˬ nehˬ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼaˇ loˬ-eu loꞈ-ehˇ ya lawˇ meh.

²² Dzaˬ dzaˬ dawˇ dawˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ nehˬ-ehˇ, aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.

²³ Oeˬ nah tiˬ nah-ahˇ maˇ byawꞈ maˬ baw-eu mawˇ neˇ mawˇ gaw zaˬ tseˇ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ ya lawˇ meh.

²⁴ Mawˇ neˇ mawˇ gaw, yawˇ aˬ buˬ hawˇ-eu yawˇ zaˬ kʼoeˇ deuˬ nehˬ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼaˇ loˬ-eu loꞈ-ehˇ ya lawˇ meh.

²⁵ Dzaˬ dzaˬ dawˇ dawˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ nehˬ-ehˇ aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.

²⁶ Ngaˬ nah tiˬ nah-ahˇ, maˇ byawꞈ maˬ baw-eu mawˇ neˇ mawˇ gaw zaˬ gʼoeˬ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ ya lawˇ meh.

²⁷ Mawˇ neˇ mawˇ gaw, yawˇ aˬ buˬ hawˇ-eu yawˇ zaˬ kʼoeˇ deuˬ nehˬ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼaˇ loˬ-eu loꞈ-ehˇ ya lawˇ meh.

²⁸ Dzaˬ dzaˬ dawˇ dawˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ nehˬ-ehˇ aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ gʼaˇ duˬ, ciꞈ myehꞈ ciꞈ buˬ tiˬ mawˇ ya lawˇ meh.

²⁹ Koꞈ nah tiˬ nah-ahˇ, maˇ byawꞈ maˬ baw-eu mawˇ neˇ mawˇ gaw zaˬ yehꞈ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ ya lawˇ meh.

³⁰ Mawˇ neˇ mawˇ gaw, yawˇ aˬ buˬ hawˇ-eu yawˇ zaˬ kʼoeˇ deuˬ nehˬ-ehˇ, dzaˬ la gʼo cehˇ lawˇ-eu jeˬ kʼaˇ loˬ-eu loꞈ-ehˇ ya lawˇ meh.

³¹ Dzaˬ dzaˬ dawˇ dawˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ nehˬ-ehˇ aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ, ciꞈ myehꞈ ciꞈ buˬ tiˬ mawˇ ya lawˇ meh.

³² Shiꞈ nah tiˬ nah-ahˇ, maˇ byawꞈ maˬ baw-eu mawˇ neˇ mawˇ gaw zaˬ shiꞈ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ ya lawˇ meh.

³³ Mawˇ neˇ mawˇ gaw, yawˇ aˬ buˬ hawˇ-eu, yawˇ zaˬ kʼoeˇ deuˬ nehˬ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼaˇ loˬ-eu loꞈ-ehˇ ya lawˇ meh.

³⁴ Dzaˬ dzaˬ dawˇ dawˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ nehˬ-ehˇ aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.

³⁵ Yehꞈ nah tiˬ nah-ahˇ, gaˇ maˬ mˇ ni tiˬ gaˇ uiˬ leˇ-awˇ uˬ duˬ ya tahˬ meh.

³⁶ Dzaˬ dzaˬ dawˇ dawˇ lawˇ-eu jeˬ loꞈ-ehˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu lehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ ya lawˇ meh.

³⁷ Mawˇ neˇ mawˇ gaw, yawˇ aˬ buˬ hawˇ-eu yawˇ zaˬ kʼoeˇ deuˬ nehˬ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼaˇ loˬ-eu loꞈ-ehˇ ya lawˇ meh.

³⁸ Dzaˬ dzaˬ dawˇ dawˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ nehˬ-ehˇ, aˬ yawꞈ nah yawꞈ lawˇ luꞈ-eu miˬ dzaˬ dzah puiˆ-awˇ lawˇ-eu jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.

³⁹ Heu-aˬ, bawˬ-iˬ gʼeh-eu aˇ yamˬ tsaˬ laˇ ngeh Sahˬpaˬ Miˬyehˇ-ahˇ naw maꞈ ya lawˇ-eu miˬ dzaˬ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ, aˬ gaꞈ dzaˇ uiˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ heu deuˬ-ahˇ taꞈ leˇ-eu zahˇ sahˇ kʼoꞈ deuˬ pyeuꞈ-eu meh. Heu-aˬ, saˇ jaˇ dzaˬ ngeh lawˇ-eu jeˬ uˬ taꞈ, naw maꞈ ya lawˇ-eu lawˇ-eu jeˬ pyeuꞈ-eu meh lehˇ Moˇseˬ-ahˇ Sahˬpaˬ Miˬyehˇ dawˬ biꞈ nehˬ-euˬ meh.

⁴⁰ Kʼoeˇ naˇ, Sahˬpaˬ Miˬyehˇ neh dawˬ kʼaˇ biꞈ nehˬ-euˬ yawˬ jeˬ na luꞈ, Iˇsaˬleˬlaˆ tsawˇ haˬ deuˬ-ahˇ Moˇseˬ dzawˇ nehˬ-euˬ meh.