1 Laˬsaˬbaˬ 8 - Akha

Beˬyaˬmiˬ-euˬ zaˬ deuˬ uˆ deuˬ

¹ Beˬyaˬmiˬ-aˬ, aˬ li shiꞈ li jawˇ-eu meh. Aˬ yuiꞈ yuiꞈ saˬ gʼaˬ-ahˇ neh aˬ nyiˇ nyiˇ saˬ gʼaˬ-ahˇ keuˆ ni, aˬ yawꞈ maꞈ-euˬ tsawˇ myahˇ-aˬ, Beˬlaˬ, Aˬshaˇbeˬlaˆ, Aˬhaˬlahˬ,

² Noˇhaˬ hawˇ-eu, Laˬpaˬ meh.

³ Beˬlaˬ-euˬ zaˬ deuˬ uˆ deuˬ-aˬ, Aˬdaˬlaˇ, Geˬlaˬ, Aˬbiˇhuˆ,

⁴ Aˬbiˇshahˬ, Neˬmaˬ, Aˬhawˇyaˆ,

⁵ Geˬlaˬ, Sheˬpuˇpaˬ, Huˇlamˬ aˬ ha mehˇ nmˇ meh.

^6-7 Eˬhuˇdaˆ-euˬ zaˬ deuˬ uˆ deuˬ-aˬ, Neˬmaˬ, Aˬhiˇyaˬ hawˇ-eu Geˬlaˬ meh. Aˬ yawꞈ maꞈ-aˬ, Geˬbaˬ meuˬ-ahˇ jawˇ-eu aˇ jeuˬ aˇ ca deuˬ kʼoeˇ taˆ aˬ yuiꞈ geuꞈ-euˬ meh. Ehˇ kʼawꞈ, aˬ cawˬ aˬ yawꞈ maꞈ-ahˇ teh pawˇ-awˇ, Maˬnaˬhaˇ meuˬ-ahˇ bi jawˇ-iˇ-euˬ meh. Aˬ yawꞈ maꞈ pawˇ-iˇ ngeh, Awˇza hawˇ-eu Aˬhiˇhuˆ-euˬ aˬ da pyeuꞈ-eu Geˬlaˬ gʼaˬ aˬ yawꞈ maꞈ-ahˇ sheuˬ gʼeh-euˬ meh.

^8-9 Shaˬhaˬleˬ-aˬ, Huˇshmˬ hawˇ-eu Baˬyaˬ lehˇ myahˇ-euˬ aˬ yawꞈ-eu miˬ zaˬ nyiˬ gʼaˬ-ahˇ kʼoꞈ-euˬ meh. Aˇ nah, aˬ yawꞈ Mawˇbaˆ miˇ kʼahˬ-ahˇ jawˇ ngeh, Hawˇdeˬshaˆ-ahˇ sheuˬ-awˇ, aˬ li shiꞈ li jawˇ le-euˬ meh. Aˬ li kʼoeˇ shiꞈ li-aˬ, Yawˇbehˆ, Ziˇbyaˬ, Meˬshaˬ, Maˬlaˬkamˬ,

¹⁰ Yuˇzaˆ, Saˬcaˬ, Miˇlaˬmaˬ aˬ ha mehˇ nmˇ meh. Aˬ yawꞈ-euˬ aˬ li dawˬ tawˆ luꞈ, aˇ jeuˬ aˇ ca-euˬ aˬ yuiꞈ geuꞈ-eu tsawˇ haˬ pyeuꞈ laˇ jiˇ-euˬ meh.

¹¹ Aˬ yawꞈ-aˬ, Huˇshmˬ o neh kʼawꞈ, Aˬbiˇtu hawˇ-eu Eˇlaˬpaˬlaˇ lehˇ myahˇ-euˬ aˬ li nyiˬ li jawˇ le-euˬ meh.

¹² Eˇlaˬpaˬlaˇ-aˬ, Eˬbaˬ, Miˇshamˬ, Sheˬmehˇ lehˇ myahˇ-euˬ aˬ li smˬ li jawˇ-eu meh. Sheˬmehˇ-aˬ, Oˇnoˇ meuˬ, Lawˇdaˆ meuˬ hawˇ-euˬ meuˬ heu nyiˬ meuˬ-euˬ jawˬ jawˬ-ehˇ jaˆ-eu pu deuˬ-ahˇ teˬ-euˬ meuˬ teˬ aˬ da pyeuꞈ-eu meh.

Gaˬdaˇ meuˬ hawˇ-eu Aiˬjaˬloˬ meuˬ-ahˇ jawˇ-euˬ Beˬyaˬmiˬ tsawˇ haˬ deuˬ

¹³ Beˬliˇyaˆ hawˇ-eu Sheˬmaˬ-aˬ, Aiˬjaˬloˬ meuˬ-ahˇ jawˇ-eu aˇ jeuˬ aˇ ca deuˬ-euˬ aˬ yuiꞈ aˬ tsu pyeuꞈ-awˇ, Gaˬdaˇ meuˬ-ahˇ jawˇ-eu tsawˇ haˬ deuˬ-ahˇ teh pawˇ-euˬ meh.

¹⁴ Beˬliˇyaˆ-euˬ zaˬ deuˬ uˆ deuˬ-aˬ, Aˬhiˇoˬ, Shaˬshehˆ, Yeˬlaˬmoˇ,

¹⁵ Zeˬbaˬdiˇ, Aˬlaˬdaˬ,

¹⁶ Miˇkeˬlaˇ, Iˇshaˬpahˇ, Joˇhaˬ heu deuˬ meh.

Yeˬluˇsaˬlehˬ meuˬ-ahˇ jawˇ-euˬ Beˬyaˬmiˬ tsawˇ haˬ deuˬ

¹⁷ Eˇlaˬpaˬlaˇ-euˬ zaˬ deuˬ uˆ deuˬ-aˬ, Zeˬbaˬdiˇ, Meˬshuˇlamˬ, Hiˇzaˬkiˇ, Heˬbeuˬ,

¹⁸ Iˇshaˬmeˬlaˇ, Iˇzaˬliˇyaˆ, Yawˇbehˆ, heu deuˬ meh.

¹⁹ Shiˇmiˇ-euˬ zaˬ deuˬ uˆ deuˬ-aˬ, Yaˬkmˬ, Ziˇkaˬliˇ, Zaˬbaˬdiˇ,

²⁰ Eˇliˇneˬ, Ziˇleˬdehˇ, Eˇliˇlaˆ,

²¹ Aˬdaˬyaˇ, Beˬlaˇyaˬ, Shiˇmaˬlaˇ, heu deuˬ meh.

²² Shaˬshehˆ-euˬ zaˬ deuˬ uˆ deuˬ-aˬ, Iˇshaˬpaˇ, Eˬbaˬ, Eˇliˇlaˆ,

²³ Aˬbaˬdoˬ, Ziˇkaˬliˇ, Haˬnaˬ,

²⁴ Haˬnaˬniˇyaˆ, Eˇlamˬ, Aˬnaˬtawˇdiˇyaˆ,

²⁵ Iˇpaˬdiˇyaˆ, Peˬnoeˬlaˇ, heu deuˬ meh.

²⁶ Yeˬloˇhamˬ-euˬ zaˬ deuˬ uˆ deuˬ-aˬ, Shaˬsheˬlehˇ, Sheˬhaˬliˇ, Aˬdaˬliˇ,

²⁷ Yaˬleˬshiˇyaˆ, Eˇliˇyaˆ, Ziˇkaˬliˇ heu deuˬ meh.

²⁸ Heu-aˬ, Yeˬluˇsaˬlehˬ meuˬ-ahˇ jawˇ-euˬ aˇ jeuˬ aˇ ca kʼoeˇ taˆ aˬ yuiꞈ aˬ tsu geuꞈ-euˬ aˬ poeˬ aˬ bawˇ deuˬ hawˇ-eu, aˬ yawꞈ maꞈ-euˬ zaˬ deuˬ uˆ deuˬ meh.

Giˇbyoˬ meuˬ hawˇ-eu Yeˬluˇsaˬlehˬ meuˬ-ahˇ jawˇ-euˬ Beˬyaˬmiˬ tsawˇ haˬ deuˬ

²⁹ Yeˬyeˬlaˇ-aˬ, Giˇbyoˬ meuˬ teˬ-awˇ jawˇ-euˬ meh. Aˬ yawꞈ-euˬ miˬ zaˬ-aˬ, Mawˇkah lehˇ myahˇ-euˬ meh.

³⁰ Aˬ yawꞈ-euˬ aˬ li deuˬ-aˬ, aˬ yuiꞈ yuiꞈ saˬ gʼaˬ pyeuꞈ-eu Aˬbaˬdoˬ, Zuˇlaˆ, Giˇshaˆ Baˬlaˇ, Neˬlaˇ, Naˬdehˇ,

³¹ Geˬdawˬ, Aˬhiˇoˬ, Zeˬkaˬliˇ,

³² Shiˇmyaˆ-euˬ aˬ da Miˇkaˬloˆ aˬ ha mehˇ nmˇ meh. Aˬ yawꞈ maꞈ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ aˇ jeuˬ aˇ ca deuˬ dawˬ peh, Yeˬluˇsaˬlehˬ meuˬ-ahˇ jawˇ-eu meh.

Sahˬ paˬ Sawˇluˆ-ahˇ taꞈ-eu tsuiꞈ

³³ Neˬlaˇ-aˬ, Giˇshaˆ-euˬ aˬ da pyeuꞈ-awˇ, Giˇshaˆ-aˬ, sahˬ paˬ Sawˇluˆ-euˬ aˬ da pyeuꞈ-eu meh. Sawˇluˆ-aˬ, Yawˇnaˆshaˬ, Maˬlaˬkiˇshuˬ, Aˬbiˇnaˬdehˇ, Eˇshaˬbaˬlaˇ lehˇ myahˇ-euˬ aˬ li oeˬ li jawˇ-eu meh.

³⁴ Yawˇnaˆshaˬ-aˬ, Meˬliˇbaˬlaˇ-euˬ aˬ da pyeuꞈ-awˇ, Meˬliˇbaˬlaˇ-aˬ, Miˇkaˬ-euˬ aˬ da pyeuꞈ-eu meh.

³⁵ Miˇkaˬ-aˬ, Piˇdoˬ, Meˬlehˆ, Taˬliˆ, Aˬkaˆ lehˇ myahˇ-euˬ aˬ li oeˬ li jawˇ-eu meh.

³⁶ Aˬkaˆ-euˬ aˬ li Yeˬhawˇdah meh. Yeˬhawˇdah-euˬ aˬ li deuˬ-aˬ, Aˬlaˬmehˇ, Aˬzaˇmaˬbehˇ, Zmˇliˬ aˬ ha mehˇ nmˇ meh. Zmˇliˬ-euˬ aˬ li Mawˇzaˬ,

³⁷ Mawˇzaˬ-euˬ aˬ li Biˇnaˬ, Biˇnaˬ-euˬ aˬ li Laˬpahˇ, Laˬpahˇ-euˬ aˬ li Eˇlaˬsahˬ, Eˇlaˬsahˬ-euˬ aˬ li Aˬzeˬlaˇ meh.

³⁸ Aˬzeˬlaˇ-aˬ, aˬ li koꞈ li jawˇ-eu meh. Aˬ li kʼoeˇ koꞈ li-aˬ, Aˬzaˬliˇkmˬ, Bawˇsheˬluˇ, Iˇshaˬmeˬlaˇ, Shaˬliˇyaˆ, Awˇbaˬdiˇ, Haˬnaˬ aˬ ha mehˇ nmˇ meh.

³⁹ Aˬzeˬlaˇ-euˬ aˬ nyiˇ Eˇshehˆ gʼaˬ-aˬ, Uˇlamˬ, Yuˇshaˆ, Eˇliˇpaˬlehˇ lehˇ myahˇ-euˬ aˬ li smˬ li jawˇ-eu meh.

⁴⁰ Uˇlamˬ-euˬ aˬ li deuˬ-aˬ, tsawˇ myahˇ doˆ-eu yehˇ deuˬ pyeuꞈ-awˇ, kaˆ beuˆ-eu nya dui dui-eu meh. Aˬ yawꞈ-euˬ aˬ li hawˇ-eu oeˬ paˬ dawˬ tawˆ luꞈ tiˬ yaˇ ngaˬ tseˇ gʼaˬ byah-eu meh. Kʼoeˇ taˆ paw ehˇ dzeuˇ yaꞈ-euˬ tsawˇ haˬ dawˬ tawˆ luꞈ, Beˬyaˬmiˬ tsawˇ jeuˬ pyeuꞈ-eu meh.