1 Laˬsaˬbaˬ 7 - Akha

Iˇsaˬkaˬ-euˬ zaˬ deuˬ uˆ deuˬ

¹ Iˇsaˬkaˬ-aˬ, Toˇlaˬ, Puˇhaˬ, Yaˬshuˇbaˬ hawˇ-eu Shiˇmyoˬ lehˇ myahˇ-euˬ aˬ li oeˬ li jawˇ-eu meh.

² Toˇlaˬ-aˬ, Awˇzeˬ, Leˬpaˬyaˆ, Yeˬleˬlaˇ, Yaˬmehˇ, Iˇbaˬsaˬ, Sheˬmoeˬlaˇ lehˇ myahˇ-euˬ aˬ li koꞈ li jawˇ-eu meh. Aˬ ha mehˇ nmˇ-aˬ, Toˇlaˬ aˇ jeuˬ-ahˇ aˬ yuiꞈ geuꞈ-awˇ sheuˬ gʼeh-euˬ deuˬ pyeuꞈ-awˇ, tsawˇ myahˇ doˆ-eu yehˇ deuˬ kʼawꞈ pyeuꞈ-eu meh. Sahˬ paˬ Daˬbiˇ uˆ lahˇ-eu aˇ yamˬ laꞈ kʼoeˇ, aˬ yawꞈ maꞈ-euˬ zaˬ deuˬ uˆ deuˬ nyiˬ muiˇ nyiˬ heˇ koꞈ yaˇ gʼaˬ byah-eu meh.

³ Awˇzeˬ-aˬ, Eˇzaˬlaˬhiˇ lehˇ myahˇ-euˬ aˬ li tiˬ li jawˇ-eu meh. Eˇzaˬlaˬhiˇ-aˬ, Miˇkeˬlaˇ, Awˇbaˬdiˇ, Yawˇlaˆ, Iˇshaˬyaˆ lehˇ myahˇ-euˬ aˬ li oeˬ li jawˇ-eu meh. Aˬ ha da zaˬ dawˬ tawˆ luꞈ, aˇ jeuˬ kʼoeˇ taˆ aˬ yuiꞈ geuꞈ-euˬ deuˬ pyeuꞈ-eu meh.

⁴ Aˬ yawꞈ maꞈ miˬ zaˬ myaˬ dui dui-awˇ, zaˬ kʼaˆ myaˬ dui dui-eu miˇ neh, aˬ yawꞈ maꞈ-euˬ zaˬ deuˬ uˆ deuˬ laꞈ kʼoeˇ, guiˇ deuˆ-eu yehˇ smˬ muiˇ koꞈ heˇ gʼaˬ doˆ laˇ-euˬ meh.

⁵ Iˇsaˬkaˬ tsawˇ jeuˬ laꞈ kʼoeˇ, guiˇ deuˆ nya-eu tsawˇ haˬ deuˬ-euˬ tsawˇ myahˇ yuˇ haw ngeh, yehꞈ muiˇ shiꞈ heˇ gʼaˬ byah-eu meh.

Beˬyaˬmiˬ tsawˇ jeuˬ hawˇ-eu Daˬ tsawˇ jeuˬ-euˬ zaˬ deuˬ uˆ deuˬ

⁶ Beˬyaˬmiˬ-aˬ, Beˬlaˬ, Beˬkeuˬ, Yeˬdeˬlaˇ lehˇ myahˇ-euˬ aˬ li smˬ li jawˇ-eu meh.

⁷ Beˬlaˬ-aˬ, Eˇzaˬboˬ, Awˇzeˬ, Awˇzeˬlaˇ, Yeˬliˇmoˆ, Iˇliˆ lehˇ myahˇ-euˬ aˬ li ngaˬ li jawˇ-eu meh. Aˬ yawꞈ maꞈ dawˬ tawˆ luꞈ, aˇ jeuˬ aˇ ca-euˬ aˬ yuiꞈ geuꞈ-euˬ deuˬ pyeuꞈ-awˇ, tsawˇ myahˇ doˆ-eu yehˇ deuˬ kʼawꞈ pyeuꞈ-eu meh. Aˬ yawꞈ maꞈ-euˬ zaˬ deuˬ uˆ deuˬ laꞈ kʼoeˇ, guiˇ deuˆ nya-eu tsawˇ haˬ nyiˬ muiˇ nyiˬ heˇ smˬ tseˇ oeˬ gʼaˬ jawˇ-eu meh.

⁸ Beˬkeuˬ-aˬ, aˬ li gʼoeˬ li jawˇ-eu meh. Aˬ li kʼoeˇ gʼoeˬ li-aˬ, Zeˬmiˇlahˬ, Yawˇshaˆ, Eˇliˇzaˬ, Eˇlawˇneˬ, Awˇmaˬliˇ, Yeˬlaˬmoˇ, Aˬbiˇyaˬ, Aˬnaˬtawˇ, Aˬlaˬmehˇ aˬ ha mehˇ nmˇ meh.

⁹ Aˬ yawꞈ maꞈ aˇ jeuˬ-euˬ zaˬ deuˬ uˆ deuˬ laꞈ kʼoeˇ tsawˇ myahˇ yuˇ haw ngeh, guiˇ deuˆ nya-eu tsawˇ haˬ nyiˬ muiˇ nyiˬ yaˇ gʼaˬ jawˇ-eu meh.

¹⁰ Yeˬdeˬlaˇ-aˬ, Biˇlaˬhaˬ lehˇ myahˇ-euˬ aˬ li tiˬ li jawˇ-eu meh. Biˇlaˬhaˬ-aˬ, aˬ li shiꞈ li jawˇ-eu meh. Aˬ li kʼoeˇ shiꞈ li-aˬ, Yuˇshaˆ, Beˬyaˬmiˬ, Eˬhuˇdaˆ, Sheˬnaˬnahˬ, Zeˬdaˬ, Taˬshiˆ, Aˬhiˇshaˬ aˬ ha mehˇ nmˇ meh.

¹¹ Aˬ yawꞈ maꞈ dawˬ tawˆ luꞈ, aˇ jeuˬ aˇ ca-euˬ aˬ yuiꞈ geuꞈ-eu deuˬ pyeuꞈ-awˇ, tsawˇ myahˇ doˆ-eu yehˇ deuˬ kʼawꞈ pyeuꞈ-eu meh. Aˬ yawꞈ maꞈ-euˬ zaˬ deuˬ uˆ deuˬ laꞈ kʼoeˇ, guiˇ deuˆ nya-eu tsawˇ haˬ tiˬ muiˇ shiꞈ heˇ nyiˬ yaˇ gʼaˬ jawˇ-eu meh.

¹² Shuˇbeˬ hawˇ-eu Huˇbeˬ aˬ nyaꞈ kʼawꞈ, tsawˇ jeuˬ heu jeuˬ meh. Daˬ-aˬ, Huˇshmˬ lehˇ myahˇ-euˬ aˬ li tiˬ li jawˇ-eu meh.

Naˬtaˬliˇ-euˬ zaˬ deuˬ uˆ deuˬ

¹³ Naˬtaˬliˇ-aˬ, Yaˬzeˬlaˇ, Guˇniˬ, Yeˬzaˬ, Shaˬlmˬ lehˇ myahˇ-euˬ aˬ li oeˬ li jawˇ-eu meh. (Aˬ yawꞈ maꞈ-aˬ, Biˇlaˬhaˬ-euˬ zaˬ deuˬ uˆ deuˬ meh.)

Maˬnaˇseˬ-euˬ zaˬ deuˬ uˆ deuˬ

¹⁴ Maˬnaˇseˬ-aˬ, Aˬlaˬmiˇ tsawˇ jeuˬ pyeuꞈ-eu aˬ yawꞈ-euˬ miˬ zaˬ gʼaˬ o neh, Aˬsaˬleˬlaˇ hawˇ-eu Maˬkiˬlaˇ lehˇ myahˇ-euˬ aˬ li nyiˬ li jawˇ-eu meh.

¹⁵ Maˬkiˬlaˇ-aˬ, Huˇbeˬ hawˇ-eu Shuˇbeˬ aˬ nyaꞈ-ahˇ miˬ zaˬ poˆ nehˬ-euˬ meh. Aˬ yawꞈ-euˬ dmˇ ma-aˬ, Mawˇkah lehˇ myahˇ-euˬ meh. Maˬkiˬlaˇ-euˬ aˬ li aˬ gʼahˇ gʼaˬ-aˬ, Zeˬloˇpeˬhaˇ pyeuꞈ-eu meh. Aˬ yawꞈ-aˬ, aˬ buˇ tehꞈ-ehˇ jawˇ-eu meh.

¹⁶ Maˬkiˬlaˇ-euˬ miˬ zaˬ Mawˇkah-aˬ, Peˬyehˆ hawˇ-eu Sheˬyehˆ lehˇ myahˇ-eu aˬ li nyiˬ li ciˬ-euˬ meh. Peˬyehˆ-aˬ, Uˇlamˬ hawˇ-eu Laˬkmˬ lehˇ myahˇ-euˬ aˬ li nyiˬ li jawˇ-eu meh.

¹⁷ Uˇlamˬ-aˬ, Beˬdaˬ lehˇ myahˇ-euˬ aˬ li tiˬ li jawˇ-eu meh. Heu deuˬ-aˬ, Maˬnaˇseˬ-euˬ aˬ li Maˬkiˬlaˇ-euˬ aˬ li Giˇlaˆ-euˬ zaˬ deuˬ uˆ deuˬ meh.

¹⁸ Giˇlaˆ-euˬ dmˇ ma Haˬmawˇleˬshehˆ-aˬ, Iˇshoˆ, Aˬbyeˇzaˬ, Maˬhaˬlahˬ lehˇ myahˇ-euˬ aˬ li smˬ li jawˇ-eu meh.

¹⁹ (Sheˬmiˇdaˬ-aˬ, Aˬhiˇawˬ, Sheˬkmˬ, Liˇkaˬniˇ, Aˬniˇmˬ lehˇ myahˇ-euˬ aˬ li oeˬ li jawˇ-eu meh.)

Eˇpaˬleˬ-euˬ zaˬ deuˬ uˆ deuˬ

²⁰ Heu-aˬ, Eˇpaˬleˬ-ahˇ neh gui ka leꞈ-euˬ tsuiꞈ meh. Eˇpaˬleˬ, Shuˇdeˬlaˇ, Beˬyehˆ, Taˬhaˇ, Eˇliˇdaˬ, Taˬhaˇ,

²¹ Zaˬbaˆ, Shuˇdeˬlaˇ, lehˇ meh. Eˇpaˬleˬ-aˬ, Shuˇdeˬlaˇ gʼaˬ uˬ taꞈ, Eˇzaˬ hawˇ-eu Eˇlehˆ lehˇ myahˇ-euˬ aˬ li nyiˬ li jawˇ-eu meh. Aˬ nyaꞈ nmˇ-aˬ, Gaˬdaˇ meuˬ-ahˇ jawˇ-eu tsawˇ haˬ deuˬ-euˬ jeˬ zaˬ teh geuꞈ-eu lehˇ leh jeh ngeh bi sehꞈ-euˬ meh.

²² Aˬ da gʼaˬ pyeuꞈ-eu Eˇpaˬleˬ-aˬ, aˬ nyaꞈ nmˇ gʼaˇ duˬ gʼawˬ mya nah tsawˇ ngoeˇ ngoeˇ-awˇ, aˬ yawꞈ-euˬ mehˇ nmˇ deuˬ aˬ yawꞈ-ahˇ gʼaˬ biꞈ nehˬ laˇ-euˬ meh.

²³ Kʼoeˇ naˇ, aˬ yawꞈ-euˬ miˬ zaˬ nehˬ-ehˇ aˬ yawꞈ paˇ yuꞈ taꞈ-awˇ, aˬ nyiˇ paˇ pi leˇ-awˇ, aˬ li tiˬ li paˇ ciˬ-euˬ meh. Aˬ yawꞈ pehˬ-euˬ nymˇ jiˇ kʼoeˇ taˆ kʼoeˇ loꞈ-ehˇ gʼeh-eu shaˬ-eu zahˬ-eu jeˬ keuˆ le-euˬ miˇ neh, aˬ li kʼoeˇ li-ahˇ Beˬliˇyaˆ lehˇ myahˇ nehˬ-euˬ meh.

²⁴ Eˇpaˬleˬ-aˬ, Shiˇlah lehˇ myahˇ-euˬ aˬ buˇ tiˬ buˇ jawˇ-eu meh. Aˬ buˇ kʼoeˇ buˇ-aˬ, Behˬhawˇleuˬ laꞈ taˆ meuˬ, Behˬhawˇleuˬ laꞈ oˆ meuˬ hawˇ-eu, Uˇzeˬshiˇlah meuˬ heu deuˬ-ahˇ teˬ-euˬ meh.

²⁵ Eˇpaˬleˬ-aˬ, Leˇpahˇ lehˇ myahˇ-euˬ aˬ li tiˬ li jawˇ-eu meh. Leˇpahˇ-ahˇ neh gui ka leꞈ-euˬ tsuiꞈ-aˬ, Leˇpahˇ, Leˬshehˆ, Teˬlahˬ, Taˬhaˬ,

²⁶ Laˬdaˬ, Aˬmiˇhuˆ, Eˇliˇshaˬmaˇ,

²⁷ Nuˬ, Yawˇshuˆ lehˇ meh.

²⁸ Aˬ yawꞈ maꞈ-ahˇ oꞈ-awˇ jawˇ-euˬ miˇ kʼahˬ-aˬ, Beˬdeˬlaˇ meuˬ hawˇ-eu, kʼoeˇ-euˬ jawˬ jawˬ-ehˇ jaˆ-eu meuˬ deuˬ ahˇ leˇ-ehˇ, nahˇ ma doˆ kʼehˬ paw Naˬlaˬ meuˬ-ahˇ keuˆ ni meh. Nahˇ ma ga kʼehˬ paw Geˬzeuˬ meuˬ hawˇ-eu kʼoeˇ-euˬ tiˬ jawˬ jaˆ-eu pu deuˬ-ahˇ keuˆ ni meh. Sheˬkmˬ meuˬ, Aˬyahˬ meuˬ hawˇ-eu, meuˬ kʼoeˇ nyiˬ meuˬ-euˬ tiˬ jawˬ jaˆ-eu pu deuˬ kʼawꞈ ahˇ-eu meh.

²⁹ Maˬnaˇseˬ-euˬ zaˬ deuˬ uˆ deuˬ-aˬ, Behˬshahˬ meuˬ, Taˬnehˇ meuˬ, Meˬgiˇdoˬ meuˬ, Dawˇlaˆ meuˬ hawˇ-eu, meuˬ heu deuˬ-euˬ jawˬ jawˬ-ehˇ jaˆ-eu pu deuˬ-ahˇ keuˆ ni uˆ lahˇ-euˬ meh. Jawˇ duˬ heu deuˬ dawˬ tawˆ luꞈ, Yaˬkoˆ-euˬ aˬ li Yoˇsehˆ-euˬ zaˬ deuˬ uˆ deuˬ-euˬ jawˇ duˬ pyeuꞈ-eu meh.

Aˬshaˬ-euˬ zaˬ deuˬ uˆ deuˬ

³⁰ Heu-aˬ, Aˬshaˬ-euˬ zaˬ deuˬ uˆ deuˬ pyeuꞈ-eu meh. Aˬ yawꞈ-aˬ, Iˇmaˬnahˬ, Iˇshaˬbaˬ, Iˇshaˬbiˇ, Beˬliˇyaˆ lehˇ myahˇ-euˬ aˬ li oeˬ li hawˇ-eu, Seˬlahˬ lehˇ myahˇ-euˬ aˬ buˇ tiˬ buˇ jawˇ-eu meh.

³¹ Beˬliˇyaˆ-aˬ, Heˬbeuˬ hawˇ-eu Maˬlaˬkeˬlaˇ lehˇ myahˇ-euˬ aˬ li nyiˬ li jawˇ-eu meh. (Maˬlaˬkeˬlaˇ-aˬ, Biˇzeuˆ meuˬ teˬ-euˬ gʼaˬ meh.)

³² Heˬbeuˬ-aˬ, Yaˬpaˬlehˆ, Shoˇmeuˬ, Hawˇdamˬ lehˇ myahˇ-euˬ aˬ li smˬ li hawˇ-eu, Shuˇaˆ lehˇ myahˇ-euˬ aˬ buˇ tiˬ buˇ jawˇ-eu meh.

³³ Yaˬpaˬlehˆ-aˬ, Paˬsaˆ, Bymˬhaˬlaˇ, Aˬshaˬbaˆ lehˇ myahˇ-euˬ aˬ li smˬ li jawˇ-eu meh.

³⁴ Aˬ yawꞈ-euˬ aˬ nyiˇ Shoˇmeuˬ-aˬ, Yoˇgahˬ, Yeˬhuˇbaˬ, Aˬlamˬ lehˇ myahˇ-euˬ aˬ li smˬ li jawˇ-eu meh.

³⁵ Aˬ yawꞈ-euˬ aˬ nyiˇ Hawˇdamˬ gʼaˬ-aˬ, Zoˇpahˇ, Iˇmaˬnaˬ, Sheˬlehˆ, Aˬmaˬlaˇ lehˇ myahˇ-euˬ aˬ li oeˬ li jawˇ-eu meh.

³⁶ Zoˇpahˇ-euˬ zaˬ deuˬ uˆ deuˬ-aˬ, Suˇhaˬ, Haˬneˬpeuˬ, Shuˇlaˆ, Beˬliˬ, Iˇmaˬyahˬ,

³⁷ Beˬseˬlaˇ, Hawˇdaˆ, Shaˬmaˬ, Shiˇlaˬshahˬ, Iˇdaˬlaˬ, Biˇlaˬ aˬ ha mehˇ nmˇ meh.

³⁸ Yeˬdeuˬ-euˬ zaˬ deuˬ uˆ deuˬ-aˬ, Yeˬpuˬnehˇ, Piˇsaˬpaˬ, Aˇlaˬ aˬ ha mehˇ nmˇ meh.

³⁹ Uˇlaˬ-euˬ zaˬ deuˬ uˆ deuˬ-aˬ, Aˬlah, Haˬneˬlaˇ, Li zaˬ aˬ ha mehˇ nmˇ meh.

⁴⁰ Heu deuˬ dawˬ tawˆ luꞈ, Aˬshaˬ-euˬ zaˬ deuˬ uˆ deuˬ pyeuꞈ-eu meh. Aˬ yawꞈ-maꞈ-aˬ, aˇ jeuˬ aˇ ca-euˬ aˬ yuiꞈ geuꞈ-awˇ, tsawˇ myahˇ doˆ-eu yehˇ deuˬ pyeuꞈ-eu uˬ taꞈ, tsawˇ myahˇ doˆ-eu aˬ yuiꞈ aˬ tsu deuˬ kʼawꞈ pyeuꞈ-eu meh. Aˬshaˬ-euˬ zaˬ deuˬ uˆ deuˬ laꞈ kʼoeˇ, guiˇ deuˆ nya-eu tsawˇ haˬ nyiˬ muiˇ koꞈ heˇ gʼaˬ jawˇ-eu meh.