1 Laˬsaˬbaˬ 2 - Akha

Yuˇdaˆ-euˬ zaˬ deuˬ uˆ deuˬ

¹ Yaˬkoˆ-euˬ aˬ li tseˇ nyiꞈ li jawˇ-eu meh. Aˬ li kʼoeˇ tseˇ nyiꞈ li-aˬ, Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ,

² Daˬ, Yoˇsehˆ, Beˬyaˬmiˬ, Naˬtaˬliˇ, Gaˆ, Aˬshaˬ, aˬ ha mehˇ nmˇ meh.

³ Yuˇdaˆ-aˬ, aˬ li dawˬ tawˆ luꞈ ngaˬ li jawˇ-eu meh. Kaˬnaˬ tsawˇ jeuˬ zaˬ miˬ zaˬ pyeuꞈ-eu Baˬshawˇ gʼaˬo neh smˬ li jawˇ-eu meh. Kʼoeˇ smˬ li-aˬ, Iˇlehˆ, Awˇnaˬ, Sheˬlahˬ aˬ ha smˬ mehˇ nmˇ meh. Aˬ li aˬ yuiꞈ yuiꞈ saˬ gʼaˬ pyeuꞈ-eu Iˇlehˆ-aˬ, haiˬ dui dui-eu miˇ neh, Sahˬpaˬ Miˬyehˇ neh bi shiˇ-euˬ meh.

⁴ Yuˇdaˆ-aˬ, aˬ yawꞈ-euˬ kuiˬ ma Taˬmaˬ o neh aˬ li nyiˬ li paˇ jawˇ le-euˬ meh. Kʼoeˇ nyiˬ li-aˬ, Paˬyehˆ hawˇ-eu Zeˬlahˬ meh.

⁵ Paˬyehˆ-aˬ, Heˬzaˬloˬ hawˇ-eu Haˬmuˇlaˬ lehˇ myahˇ-euˬ aˬ li nyiˬ li jawˇ-eu meh.

⁶ Aˬ yawꞈ-euˬ mehˇ nmˇ Zeˬlahˬ gʼaˬ-aˬ, aˬ li ngaˬ li jawˇ-eu meh. Zmˇliˬ, Eˇdaˬ, Heˬmaˬ, Kaˬlaˬkawˇlaˆ, Daˬdaˬ aˬ ha mehˇ nmˇ meh.

⁷ Zeˬlahˬ-euˬ zaˬ deuˬ uˆ deuˬ laꞈ kʼoeˇ, Kaˬmiˬ-euˬ aˬ li Aˬkaˬ-aˬ, Miˬyehˇ-ahˇ damˬ nehˬ gʼaˬ-euˬ mˇ myawˬ yuˇ geuꞈ-eu laꞈ kʼoeˇ, Iˇsaˬleˬlaˆ tsawˇ jeuˬ kʼoeˇ taˆ luˬ-iˇ seˇ-iˇ-eu jeˬ keuˆ le ni mˇ-euˬ meh.

⁸ Eˇdaˬ-aˬ, Aˬzaˬyiˇ lehˇ myahˇ-euˬ aˬ li tiˬ li jawˇ-eu meh.

Sahˬ paˬ Daˬbiˇ-euˬ zaˬ deuˬ uˆ deuˬ

⁹ Heˬzaˬloˬ-aˬ, Yeˬlaˬmeˬlaˇ, Lam, Gaˬlehˆ lehˇ myahˇ-euˬ aˬ li smˬ li jawˇ-eu meh.

¹⁰ Lam-ahˇ neh Yeˬshehˇ-ahˇ keuˆ ni, tsuiꞈ heu loꞈ-ehˇ meh. Lam-euˬ aˬ li Aˬmiˇnaˬdehˇ, Aˬmiˇnaˬdehˇ-euˬ aˬ li Naˬshoˬ meh. (Naˬshoˬ-aˬ, Yuˇdaˆ tsawˇ jeuˬ laꞈ kʼoeˇ tsawˇ myahˇ doˆ-euˬ yaw huiˬ tiˬ gʼaˬ pyeuꞈ-eu meh.)

¹¹ Naˬshoˬ-euˬ aˬ li Saˬlaˬmoˬ, Saˬlaˬmoˬ-euˬ aˬ li Bawˇza,

¹² Bawˇza-euˬ aˬ li Awˇbehˆ, Awˇbehˆ-euˬ aˬ li Yeˬshehˇ meh.

¹³ Yeˬshehˇ-euˬ aˬ li shiꞈ li jawˇ-eu meh. Aˬ li kʼoeˇ shiꞈ li-aˬ, Eˇliˇbaˆ, Aˬbiˇnaˬdehˇ, Shaˬmahˇ,

¹⁴ Naˬdaˬneˬlaˇ, Laˬdehˇ,

¹⁵ Awˇzmˬ, Daˬbiˇ,

¹⁶ aˬ ha mehˇ nmˇ meh. Yeˬshehˇ-aˬ, Zeˬluˇyaˆ hawˇ-eu Aˬbiˇgeˬlaˆ lehˇ myahˇ-euˬ aˬ buˇ nyiˬ buˇ kʼawꞈ jawˇ-eu meh. Yeˬshehˇ-euˬ aˬ buˇ Zeˬluˇyaˆ-aˬ, Aˬbiˇshehˇ, Yoˇbaˬ, Aˬsaˬheˬlaˇ lehˇ myahˇ-euˬ aˬ li smˬ li jawˇ-eu meh.

¹⁷ Yeˬshehˇ-euˬ aˬ buˇ Aˬbiˇgeˬlaˆ gʼaˬ-aˬ, Iˇshaˬmeˬlaˇ-euˬ zaˬ deuˬ uˆ deuˬ laꞈ kʼoeˇ Yeˬdeuˬ lehˇ myahˇ-euˬ gʼaˬ-ahˇ dahˬ dzaˬ-iˇ-awˇ, Aˬmaˬsaˬ lehˇ myahˇ-euˬ aˬ li tiˬ li jawˇ le-euˬ meh.

Heˬzaˬloˬ-euˬ zaˬ deuˬ uˆ deuˬ

¹⁸ Heˬzaˬloˬ-euˬ aˬ li Gaˬlehˆ-aˬ, Aˬzuˇbaˬ-ahˇ sheuˬ-awˇ, Yeˬliˇoˆ lehˇ myahˇ-euˬ aˬ buˇ tiˬ buˇ jawˇ le-euˬ meh. Aˬzuˇbaˬ-aˬ, Yeˬsheuˬ, Shawˇbaˆ, Aˬdoˬ lehˇ myahˇ-euˬ aˬ li smˬ li ciˬ-euˬ meh.

¹⁹ Aˬzuˇbaˬ shiˇ ngeh jawˇ, Eˇpaˬlaˇ-ahˇ Gaˬlehˆ sheuˬ-awˇ, Huˇyaˆ lehˇ myahˇ-euˬ aˬ li tiˬ li jawˇ le-euˬ meh.

²⁰ Huˇyaˆ-euˬ aˬ li-aˬ, Uˇliˆ pyeuꞈ-awˇ, aˬ yawꞈ-euˬ oeˬ paˬ-aˬ, Baˬzeˬlaˇ pyeuꞈ-eu meh.

²¹ Heˬzaˬloˬ koꞈ tseˇ kʼoꞈ kʼawˆ laˇ ngeh, Maˬkiˬlaˇ-euˬ aˬ buˇ pyeuꞈ-eu Giˇlaˆ-euˬ dmˇ ma-ahˇ sheuˬ-awˇ, Seˬguˇ lehˇ myahˇ-euˬ aˬ li tiˬ li jawˇ le-euˬ meh.

²² Seˬguˇ-aˬ, Yaˬiˇlaˆ lehˇ myahˇ-euˬ aˬ li tiˬ li jawˇ-eu meh. Yaˬiˇlaˆ-aˬ, Giˇlaˆ miˇ kʼahˬ laꞈ kʼoeˇ meuˬ nyiˬ tseˇ smˇ meuˬ-ahˇ uˆ lahˇ-euˬ meh.

²³ Ehˇ kʼawꞈ, Geˬshuˇlaˆ miˇ kʼahˬ hawˇ-eu Aˬlamˬ miˇ kʼahˬ-aˬ, Yaˬiˇlaˆ pu, Jeˇnaˆ pu hawˇ-eu, dawˬ peh jaˆ-eu meuˬ deuˬ ahˇ leˇ-ehˇ, kʼoeˇ gaˇ jaˆ-eu meuˬ koꞈ tseˇ meuˬ-ahˇ deuˆ gʼaˬ-euˬ meh. Kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ, Giˇlaˆ-euˬ aˬ da Maˬkiˬlaˇ-euˬ zaˬ deuˬ uˆ deuˬ tehꞈ meh.

²⁴ Heˬzaˬloˬ shiˇ ngeh jawˇ, aˬ yawꞈ-euˬ aˬ li Gaˬlehˆ-aˬ, aˬ da gʼaˬ-euˬ miˬ coeˬ miˬ ma pyeuꞈ-eu Eˇpaˬlaˇ-ahˇ sheuˬ-euˬ meh. Aˬ nyaꞈ dzeˇ zaˬ Aˬshuˇlaˆ lehˇ myahˇ-euˬ aˬ li tiˬ li jawˇ le-euˬ meh. Aˬ li kʼoeˇ li-aˬ, Teˬkawˬ meuˬ-ahˇ teˬ-euˬ gʼaˬ meh.

Yeˬlaˬmeˬlaˇ-euˬ zaˬ deuˬ uˆ deuˬ

²⁵ Heˬzaˬloˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Yeˬlaˬmeˬlaˇ-aˬ, aˬ li ngaˬ li jawˇ-eu meh. Aˬ li kʼoeˇ ngaˬ li-aˬ, Lam, Buˇnaˬ, Awˇleˬ, Awˇzmˬ, Aˬhiˇyaˬ aˬ ha mehˇ nmˇ meh.

²⁶ Yeˬlaˬmeˬlaˇ-aˬ, Aˬtaˬlahˬ lehˇ myahˇ-euˬ miˬ zaˬ yawˬ gʼaˬ yawˬ paˇ sheuˬ-euˬ meh. Aˬtaˬlahˬ-aˬ, Awˇnamˬ-euˬ zaˬ baw aˬ ma pyeuꞈ-eu meh.

²⁷ Yeˬlaˬmeˬlaˇ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Lam-euˬ aˬ li deuˬ-aˬ, Mawˇzaˬ, Yaˬmeˬ, Eˇkeuˬ, aˬ ha mehˇ nmˇ meh.

²⁸ Awˇnamˬ-aˬ, Shaˬmai hawˇ-eu Yaˬdaˬ lehˇ myahˇ-euˬ aˬ li nyiˬ li jawˇ-eu meh. Shaˬmai gʼaˬ kʼawꞈ, Naˬdehˇ hawˇ-eu Aˬbiˇshuˇlaˆ lehˇ myahˇ-euˬ aˬ li nyiˬ li jawˇ-eu meh.

²⁹ Aˬbiˇshuˇlaˆ-aˬ, Aˬbiˇheˬlaˇ lehˇ myahˇ-euˬ zaˬ miˬ zaˬ tiˬ gʼaˬ-ahˇ sheuˬ-awˇ, Aˬbaˬ hawˇ-eu Mawˇliˆ lehˇ myahˇ-euˬ aˬ li nyiˬ li jawˇ le-euˬ meh.

³⁰ Aˬbiˇshuˇlaˆ-euˬ mehˇ nmˇ Naˬdehˇ gʼaˬ kʼawꞈ, Seˬlehˆ hawˇ-eu Aˬpeˬ lehˇ myahˇ-euˬ aˬ li nyiˬ li jawˇ-eu meh. Seˬlehˆ gʼaˬ, aˬ li tiˬ li-iˬ maˬ jawˇ le ni shiˇ-euˬ meh.

³¹ Aˬpeˬ-euˬ aˬ li Iˇshiˇ, Iˇshiˇ-euˬ aˬ li Sheˬshahˬ, Shehˬshahˬ-euˬ aˬ li Aˬlai meh.

³² Shaˬmai-euˬ aˬ nyiˇ Yaˬdaˬ-aˬ, Yeˬdeuˬ hawˇ-eu Yawˇnaˆshaˬ lehˇ myahˇ-euˬ aˬ li nyiˬ li jawˇ-eu meh. Ehˇ kʼawꞈ, Yeˬdeuˬ gʼaˬ aˬ li tiˬ li-iˬ maˬ jawˇ le ni shiˇ-euˬ meh.

³³ Yawˇnaˆshaˬ-aˬ, Paˬlehˆ hawˇ-eu Zaˬzaˬ lehˇ myahˇ-euˬ aˬ li nyiˬ li jawˇ-eu meh. Heu deuˬ dawˬ tawˆ luꞈ, Yeˬlaˬmeˬlaˇ-euˬ zaˬ deuˬ uˆ deuˬ pyeuꞈ-eu meh.

³⁴ Sheˬshahˬ-aˬ, aˬ li tiˬ gʼaˬ-iˬ maˬ jawˇ ni aˬ buˇ tehꞈ-ehˇ jawˇ-eu meh. Aˬ yawꞈ-aˬ, Yaˬhaˬ lehˇ myahˇ-euˬ Iˇjiˇtuˆ tsawˇ jeuˬ zaˬ kʼaˆ tiˬ gʼaˬ jawˇ-eu meh.

³⁵ Zaˬ kʼaˆ kʼoeˇ gʼaˬ-ahˇ aˬ yawꞈ-euˬ aˬ buˇ tiˬ buˇ bi dahˬ dzaˬ-iˇ-awˇ, aˬ nyaꞈ dzeˇ zaˬ Aˬtehˇ lehˇ myahˇ-euˬ aˬ li tiˬ li jawˇ le-euˬ meh.

³⁶ Aˬtehˇ-ahˇ neh Eˇliˇshaˬmaˇ-ahˇ keuˆ ni, tsuiꞈ heu loꞈ-ehˇ meh. Aˬtehˇ-euˬ aˬ li Naˬdaˬ, Naˬdaˬ-euˬ aˬ li Zaˬbaˆ,

³⁷ Zaˬbaˆ-euˬ aˬ li Eˇpaˬleˬlaˇ, Eˇpaˬleˬlaˇ-euˬ aˬ li Awˇbehˆ,

³⁸ Awˇbehˆ-euˬ aˬ li Yeˬhuˇ, Yeˬhuˇ-euˬ aˬ li Aˬzaˬyiˇ,

³⁹ Aˬzaˬyiˇ-euˬ aˬ li Hiˇlehˆ, Hiˇlehˆ-euˬ aˬ li Eˇlaˬsahˬ,

⁴⁰ Eˇlaˬsahˬ-euˬ aˬ li Siˇsaˬmeˬ, Siˇsaˬmeˬ-euˬ aˬ li Shaˬlmˬ,

⁴¹ Shaˬlmˬ-euˬ aˬ li Yeˬkaˬmiˇ, Yeˬkaˬmiˇ-euˬ aˬ li Eˇliˇshaˬmaˇ meh.

Gaˬlehˆ-euˬ zaˬ nui deuˬ

⁴² Yeˬlaˬmeˬlaˇ-euˬ aˬ nyiˇ Gaˬlehˆ-euˬ aˬ li aˬ yuiꞈ yuiꞈ saˬ gʼaˬ-aˬ, Meˬshaˬ lehˇ myahˇ-euˬ meh. Meˬshaˬ-euˬ aˬ li Ziˇpaˬ, Ziˇpaˬ-euˬ aˬ li Maˬleˇshaˬ, Maˬleˇshaˬ-euˬ aˬ li Heˬbyoˬ meh.

⁴³ Heˬbyoˬ-aˬ, Kawˇlaˆ, Taˬpahˇ, Leˬkmˬ, Sheˬmaˬ lehˇ myahˇ-euˬ aˬ li oeˬ li jawˇ-eu meh.

⁴⁴ Sheˬmaˬ-euˬ aˬ li Laˬhamˬ, Laˬhamˬ-euˬ aˬ li Yawˇkmˬ meh. Leˬkmˬ-euˬ aˬ li Shaˬmai meh.

⁴⁵ Shaˬmai-euˬ aˬ li Maˬoˬ pyeuꞈ-awˇ, Maˬoˬ-euˬ aˬ li Behˬzuˇlaˆ meh.

⁴⁶ Gaˬlehˆ-aˬ, Eˇpaˬ lehˇ myahˇ-euˬ ma nyiˇ tiˬ gʼaˬ jawˇ-awˇ, kʼoeˇ gʼaˬ o neh aˬ li smˬ li paˇ jawˇ le-euˬ meh. Aˬ li kʼoeˇ smˬ li-aˬ, Haˬlaˬ, Mawˇzaˬ, Gaˬzehˇ aˬ ha mehˇ nmˇ meh. Haˬlaˬ gʼaˬ kʼawꞈ, Gaˬzehˇ lehˇ myahˇ-euˬ aˬ li tiˬ li jawˇ-eu meh.

⁴⁷ (Yaˬdehˇ lehˇ myahˇ-euˬ tsawˇ haˬ tiˬ gʼaˬ aˬ li koꞈ li jawˇ-eu meh. Aˬ li kʼoeˇ koꞈ li-aˬ, Leˬgmˬ, Yoˇdaˬ, Geˬshaˬ, Peˬlehˆ, Eˇpaˬ, Shahˇpaˬ aˬ ha mehˇ nmˇ meh.)

⁴⁸ Gaˬlehˆ-aˬ, Mawˇkah lehˇ myahˇ-euˬ ma nyiˇ tiˬ gʼaˬ paˇ jawˇ-awˇ, kʼoeˇ gʼaˬ o neh Sheˬbeuˬ hawˇ-eu Tiˇlaˬnahˬ lehˇ myahˇ-euˬ aˬ li nyiˬ li jawˇ le-euˬ meh.

⁴⁹ Aˇ nah, ma nyiˇ kʼoeˇ gʼaˬ aˬ li nyiˬ li paˇ ciˬ-awˇ, aˬ yawꞈ-euˬ aˬ li Shahˇpaˬ lehˇ myahˇ-euˬ gʼaˬ Maˬdaˇmaˬnahˬ meuˬ teˬ-awˇ, Sheˬbah lehˇ myahˇ-euˬ gʼaˬ Maˬkaˬbeˬnaˬ meuˬ hawˇ-eu Giˇbaˬ meuˬ teˬ-euˬ meh. Gaˬlehˆ-aˬ, Aˬkaˆsahˬ lehˇ myahˇ-euˬ aˬ buˇ tiˬ buˇ kʼawꞈ jawˇ-eu meh.

⁵⁰ Heu deuˬ kʼawꞈ, Gaˬlehˆ-euˬ zaˬ deuˬ uˆ deuˬ pyeuꞈ-eu meh. Huˇyaˆ-aˬ, Gaˬlehˆ hawˇ-eu Eˇpaˬlaˇ aˬ nyaꞈ dzeˇ zaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu meh. Huˇyaˆ-euˬ aˬ li Shawˇbaˬlaˇ gʼaˬ-aˬ, Giˇliˇyaˆyeˬlmˬ meuˬ teˬ-euˬ meh.

⁵¹ Aˬ yawꞈ-euˬ aˬ li aˬ gʼahˇ gʼaˬ pyeuꞈ-eu Saˬlaˬmaˬ-aˬ, Behˬlehˬhehˬ meuˬ teˬ-euˬ meh. Aˬ yawꞈ-euˬ aˬ li aˬ nyiˇ gʼaˬ pyeuꞈ-eu Haˬyehˆ-aˬ, Behˬgaˬdeˬ meuˬ teˬ-euˬ meh.

⁵² Giˇliˇyaˆyeˬlmˬ meuˬ teˬ-euˬ gʼaˬ pyeuꞈ-eu Shawˇbaˬlaˇ-euˬ zaˬ deuˬ uˆ deuˬ-aˬ, Haˬyoeˬ tsawˇ haˬ, Meˬnuˇhawˇ meuˬ-ahˇ jawˇ-eu tsawˇ haˬ tiˬ paˆ,

⁵³ Giˇliˇyaˆyeˬlmˬ meuˬ-ahˇ jawˇ-eu aˇ jeuˬ deuˬ pyeuꞈ-eu Iˇtaˬliˇ aˇ jeuˬ, Puˇtiˇ aˇ jeuˬ, Shuˇmaˬtiˇ aˇ jeuˬ, Miˇshaˬleˇ aˇ jeuˬ heu deuˬ meh. (Zoˇlahˬ meuˬ hawˇ-eu Eˇshaˬtawˇlaˆ meuˬ-ahˇ jawˇ-eu tsawˇ haˬ deuˬ-aˬ, aˇ jeuˬ heu deuˬ laꞈ kʼoeˇ ahˇ-eu tsawˇ haˬ deuˬ pyeuꞈ-eu meh.)

⁵⁴ Behˬlehˬhehˬ meuˬ teˬ-euˬ gʼaˬ pyeuꞈ-eu Saˬlaˬmaˬ-euˬ zaˬ deuˬ uˆ deuˬ-aˬ, Neˬtawˇpaˬ aˇ jeuˬ, Aˬtaˬyawˇbehˬyoˇbaˬ aˇ jeuˬ, Maˬnaˬhaˇ aˇ jeuˬ nyiˬ jeuˬ laꞈ kʼoeˇ tiˬ jeuˬ pyeuꞈ-eu Zawˇliˆ aˇ jeuˬ heu deuˬ meh.

⁵⁵ (Tiˇlaˬtiˇ aˇ jeuˬ, Shiˇmyaˆ aˇ jeuˬ hawˇ-eu, Suˇkaˬtiˇ aˇ jeuˬ heu deuˬ-aˬ, sahˬ boꞈ boꞈ-euˬ hawˇ-eu jaˇ laˇ yuˇ-awˇ, jeˬ hmˬ-eu paw nya dui dui-eu tsawˇ haˬ deuˬ pyeuꞈ-eu meh. Aˬ yawꞈ maꞈ-aˬ, Leˬkaˬbiˇ tsawˇ haˬ deuˬ nehˬ-ehˇ sheuˬ dahˬ dzaˬ taꞈ-euˬ Jeˇnaˆ tsawˇ haˬ deuˬ pyeuꞈ-eu meh.)