(Salmos) 87 - Awajún: Apajuí chichame pegkejam Porciones del Antiguo Testamento y el Nuevo Testamento

Jerusalén pachisa kantamamu

Coré uchiji aidau kantamawagbau

¹ Yaakat Jerusalégkak muja pegkejam Apajuínu tutaiya nuwi yaaktamamui.

² Tuke Pujuuk Israel aents aidaun yaaktaji, tikich aina nuna nagkagas, Jerusalégkan ima senchi aneawai.

³ Apajuín yaaktajiya nuna Jerusalégkan pachisag, shiig pegkejan augmatuinawai.

⁴ Apajuí chichaak: “Aents aidau mina emematjuina duka Egipto nugkanum, Babilonia nugkanum, Tironum, Etiopía nugkanum, Filisteo nugkanum aatus batsatui. Nunú nugkanmaya aents aidau chichainak: ‘Apajuínak Jerusalégnum wainkabiajai’ tiagtatui”, tiuwai.

⁵ Tuja Siógnumia aidaun chichajuinak: “¿Wagkag ditash ibau pegkegnumash batsamsajabi? Dita batsamsatnunak dekas Apajuíyap umigkauwaita”, tiagtinai.

⁶ Aents aidaun daaji agattainum Tuke Pujuu dita daajinak: “Juka Siógnum akiinauwai”, tuu agatjatnai.

⁷ Nuadui nuwiya aents aidauk nantsemki, kantamkabaikia chichainak: “Mina pujutaijuk Jerusalégkai”, tiagtinai.