(Salmos) 150 - Awajún: Apajuí chichame pegkejam Porciones del Antiguo Testamento y el Nuevo Testamento

Ashí aentstijum Apajuí kantamjuatajum

¹ ¡Yajauwajah! ¡Apajuí niina jee pegkegma nuwi ememattajum! ¡Apajuí nayaim wigkaya nuna niina senchijijai najanauwa nuwi ememattajum!

² ¡Niina senchijin wainchatai aidaun iwainajua duwi ememattajum! ¡Niina imanjig nagkatkachua duwi ememattajum!

³ ¡Uwija kachuji aidau umpuakjum ememattajum, arpa, salterio aatsa awatkujum ememattajum!

⁴ ¡Pandero aidau awatkujum nantsemkijum ememattajum! ¡Pigkui umpuakjum, guitarra awatkujum ememattajum!

⁵ ¡Platillo awatkujum ememattajum! ¡Platillo senchi shinin aina nunú awatkujum ememattajum!

⁶ ¡Ashí pujutji ajamu aidauk Tuke Pujuun ememattinme! ¡Yajauwajah!