(Salmos) 15 - Awajún: Apajuí chichame pegkejam Porciones del Antiguo Testamento y el Nuevo Testamento

Apajuí jee pegkegmanum aents aidau pujumain

David kantamamu

¹ Tuke Pujuuwah, ¿aentsush wajuku aidauwa amina jem pegkegma nuwish pujumainaita? Tuja ¿wajuku aidauwa muja ame etegkamua nuwish pujumainaita?

² Nuwi pujusagtina duka aents pegkeg bakumamainji atsugbau, pegkejan takau, waitjutsuk dekaskea nuna chichau;

³ tikichnash pegkegchaun chichagchau, niina kumpajinash pegkegchau awagmachu, tuja nii ijutkamu aidaunash inatsauchu;

⁴ aents Apajuín dakitaujaig makichkish ijunchau, untsu Tuke Pujuun eme anentaunak niishkam eme anentus diin, tuja waitiakush nii anagkagtuamunak betek umin.

⁵ Kuichkin tsagkatkagtukash ewaekam akigkata tusa waitkagkagtuchu, tuja aents takamsachu aig, tsanumjugta akiktagme tamash dakitin. Nunú aents imanis puja duka shiig aneas tajimat pujustinai.