(Salmos) 137 - Awajún: Apajuí chichame pegkejam Porciones del Antiguo Testamento y el Nuevo Testamento

Achija Babilonia nugkanum yajuakbau

¹ Babilonia namak aidaunum uwet pekaamsaja, Jerusalén anentaimtusa buutiaji.

² Nuwi numi ayaunum nuna kanawen iina arpaji aidau nenayaji.

³ Nunika nuwi batsatjin suntag iina achipag yajupaku aidau chichagtamainak: “¡Shiig aneasjum kantamatajum, tuja atumi nugkem Sión pachisjumshakam kantamatajum!” tusa waitkagmayanume.

⁴ Iik makichkish iina Apajuíji kantamjutaig tikich nugkanmak kantamaitsuji, tuyaji.

⁵ ¡Jerusalégkah, wi amina kajimatkin idaitaik, mina uweg untsujua duka makichkish achika takamainchau wajasti!

⁶ ¡Tuja wi amina eme anentsuk, kajimatkin idaikun shiig aneasan pujutaik, mina idaijuk kayakmataijui nujamak asati.

⁷ Tuke Pujuuwah, babilonianmaya aents aidau Jerusalégkan tsaikajua duwi, Edom aents aidau chichainak: “¡Ashí tsaiktajum!” tusa imatianum nunú kajimatki idaisaipa!

⁸ ¡Babiloniah, ameshkam tsayam atatme! ¡Ame jutii aidauti waitkagkagtam nuna iiktamainak tsaipaidauk shiig aneasagtin atinme!

⁹ ¡Amina uchijum aidaun achika yajuakag kayanum anugkag tsupig ijinawagtina nunak Apajuí pegkegnum yumigjatin ati!