(Salmos) 126 - Awajún: Apajuí chichame pegkejam Porciones del Antiguo Testamento y el Nuevo Testamento

Achija yajuakbau waketjagbau

Jerusalén wakatatus wesag shiig aneenak kantamawagbau

¹ Achija yajupakagmatai, waitu batsatutin Tuke Pujuu awagtamag Jerusalén ikaupamtai, kajanmatskait dekapin ayaji.

² Nuniaku senchi dushimiaji, imaniaku shiig aneasa senchi kantamaiji. Nuniajin tikich nugkanmaya aents pegkegchau aidau chichainak: “¡Tuke Pujuu ditanak shiig pegkegnum yaigke!” tuyanume.

³ Duka dekaske, ¡Tuke Pujuu iinak yaimpak agkanmitkagmabi! ¡Nuadui iishkam shiig anebiaji!

⁴ ¡Tuke Pujuuwah, yumi uwegshunum yututai, entsa najanea akagama numamtuk, ataktu awagkim Jerusalén itajatuata!

⁵ Aents buu buuttajai ajakmaku aidauk, atakea duwi shiig aneas juukagtinai.

⁶ Tuja aents aidau ajak pegkejan juki ajakmatatus buutkabaikia shiyakaju aidauk, dita ajakmamunmayan juukag, shiig aneas kantamkiag dita jeen wakitkiagtinai.