(Salmos) 124 - Awajún: Apajuí chichame pegkejam Porciones del Antiguo Testamento y el Nuevo Testamento

Apajuík tuke yaijatui

David Jerusalén wakatatus wesa shiig aneak kantamamu

¹ Ashí Israel aents aidautigmek, Tuke Pujuu iina yaimpakchau akuish, wajukauk ainji, tumamtajum.

² Tuke Pujuu iina yaimpakchau ataik, aents aidau jetepagmaya nuaduik,

³ ashí ijipamain awajtamkajui, senchi kajegtamkaju asag.

⁴ Dutijamawagmatai namak dujajak tajaka ajapama numamtuk ajapeam amain wajakuitji.

⁵ Namak chichijam tajaka ajapama numamtuk ajapjamain awajtamkajui.

⁶ ¡Tuke Pujuuk tuke pegkegnum chichagtai ati, wagki shiwaaji ijinatnume tusa idaitamsachu asamtai!

⁷ Aents chigkin achiktatus detuamunum chigki nemak tsujimak wegama numamtuk, iishkam shiwag achigmak mantamatag tujamainakui, pisaja uwemjabiaji.

⁸ Tuke Pujuu nayaimpin nugkajai najanauwa nunuwai ayamkagtinuk.