(Salmos) 121 - Awajún: Apajuí chichame pegkejam Porciones del Antiguo Testamento y el Nuevo Testamento

Tuke Pujuuwai amina kuitamjamnuk

Atushat wekaeku Apajuíyai anentaimsa kantabau

¹ Muja aidaun pagkain diyakun: ¿Tuwiya taag minash ayamjutkainta? tajai.

² Minak Tuke Pujuu nayaimpin nugkajai najanauwa nunú yainkattawai.

³ ¡Apajuík waitkastinme tusag makichkish idaituschattawai! ¡Amina kuitamjamna duka makichkish kanatsui!

⁴ Nigka makichkish kanuchui; Israel aents aidaun kuitamna duka makichkish kanuchui.

⁵ Tuke Pujuu aminak kuitamjamui; Tuke Pujuu aminak ejaka kuitamjamui. Niig amina yaimpaktatus amejai ijutkawai.

⁶ Tuja tsawaishkam etsag senchi sukupakug waitkagmaschattawai, antsag nantushkam waitkagmaschattawai.

⁷ Ishamain ataish, Tuke Pujuu ejapak kuitamjamui; tuja nii amina pujutjumnash kuitamjutpawai.

⁸ Tuke Pujuuk yamaya juwish, tuja ajumaish ame tuwi wetatme nuniaminish, tuja wakitki minaminish, nigki tuké kuitamjamkatnai.