(Salmos) 110 - Awajún: Apajuí chichame pegkejam Porciones del Antiguo Testamento y el Nuevo Testamento

Apajuí apunak senchimtiknai

David kantamamu

¹ Tuke Pujuu mina apujun chichajak: “Mina untsujui ekemsata, nunikamin wi amina shiwaajum aidaunak depetkan aminí ikaunmakmatai, ame inagminum”, tiuwai.

² Jerusalégnum pujusa inamjati tusa Tuke Pujuu amina umigtamkae. Tuja amina shiwaajum aidaunak nii depeteawai.

³ Ame apu wajasamin, amina aentsjum aidau shiig aneas kaunawag, ame tabau umikmi tusa tujabiagtin ainawai. Tuja amek kashikmas jegashjuk tsawauwama numamtuk, kashi kashinig yamajam senchi jutatme.

⁴ Tuke Pujuu nii umiktinjin yapajinashtinun chichaak: “Ametme sacerdote Melquisedec aajakua nujai betek tuke sacerdote atinmek”, tiuwai.

⁵ Apajuík amejaig pujawai amina yaimpaktatus. Makichik tsawantai nii kajeka apu aidaunak ijinattawai.

⁶ Aents aidaun suwimkan susa ijinatnai, dutikam ashí nugkanmak aents jinauk tuwasua weaku atinai. ¡Nugka múun aidaun apuji aidaunash ashí ijinatnai!

⁷ Depetmak jintá minis yumi entsanmayan uwagtinai; nunik ataktu ichichmamjatnai.