(Salmos) 100 - Awajún: Apajuí chichame pegkejam Porciones del Antiguo Testamento y el Nuevo Testamento

Apajuí iina najapauwa duwi niinu ainaji

See taku kantamtai

¹ Ashí nugkanmaya aidautijum shiig aneasjum Apajuí kantamjuatajum.

² Shiig aneasjum Tuke Pujuu etsagjatajum. ¡Shiig aneasa untsumkujum Apajuí jee pegkegma nuwi minitajum!

³ ¡Tuke Pujuuwapi dekas apuk titajum! Iinak nii najapauwai, nuadui iik niinu ainaji. ¡Niina aentsji ainag duwi, aents uwigjin kuitamama numamtuk kuitamjamui!

⁴ Nuadui Apajuí jee pegkegma nuna waitijin kaunajum, Apajuí see takujum niina daaji pachisjum kantamtai kantamkujum ememattajum.

⁵ Wagki Tuke Pujuuk dekas pegkejai, tuja niina anenkajishkam tuke auwai, antsag nii anagkagtuamujig makichkish yapajinchauwai.