(Salmos) 1 - Awajún: Apajuí chichame pegkejam Porciones del Antiguo Testamento y el Nuevo Testamento

LIBRO I (Salmos 1—41) Dekaskenum shiig aneasa pujamu

¹ Aents pegkegchau aidau chichainamun antujus umiju wekaechauk shiig aneas pujustinai. Tudau aidau takatan wakejus taka wekaechauk, tuja Apajuín pegkegchau chichajuidaujai ijunag, ditajai betek chichá wekaechauk shiig aneas pujustinai.

² Wagki niig nuna wekaetutsuk, Apajuí chichame umikta timauwa nuna umiak, kashish, tsawaish tuke nuwig anentaimas pujau asa.

³ Nuadui nunú aentsuk makichik numi yuminum ijusa ajaamu, pegkeg, senchi nejen, dukesh kaketsama imanai. ¡Iman asa ashí nii takamuji aidauk shiig pegkeg ainawai!

⁴ Untsu aents pegkegchau aina duka nunú aentsjaig betekchau ainawai, nuadui ditak ajusa wampujin dase umpui ajapama numamtin ainawai.

⁵ Aents pegkegchau aidaunak Apajuí dita takasbaujin diijus suwimkan susatnai. Tuja aents pegkejan takau aidau Apajuí pujutain ijunjagtina nuwig ditak wayachagtinai.

⁶ Tuke Pujuuk aents pegkeg aidaun kuitamui. Untsu aents pegkegchau aidauk dita pegkegchaujinig waittsagtinai.