(Proverbios) 27 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Kashin nuna imatikan takastatjai tusamek emtikamek tumamipa, wagki amek dekatsme kashinish wajukatamki duka.

² Duka amekek imatipa, idaisata nunak tikich aidau tujamtinme, iik eme anenmamku imatbauk pegkegchauwai.

³ Kaya, kamatak aina duka senchi kijin ainawai, tujash nuna nagkaesau kijinai aents anentainkachu nii wakegamun umiktakama kajeamujiya nunú.

⁴ Kajeamua duka pegkegchauwai, tutitjan itawai, tujash nuna nagkaesau kakajus depetmainchauwa duka, tikich takakui diisa kajegkagtamua nunuwai.

⁵ Aents amina anempa duka uuka chichá wekaetsuk, paan igkumpa tujamtatui.

⁶ Shiwag kajegtamiatak tsanupak kumpamjama nunú kajittsa diitsuk, dekas iina kumpaji igkujatua tukagta nuwi kajintsa anentaimainai.