(Proverbios) 22 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Pegkegnum augmatam ata nunuwai wiakchameutan nagkaesau.

² Aents wiakuch akush ujunajaig betekai, wagki mai Tuke Pujuu najanamu asag.

³ Aents yacha shiig anentaimkauwa duka pegkegchaun wainkug wamak idaiwai; untsu aents anentainkachua duka ayatak akuumtawai, nuniau asa, utugchatan igkug waitiawai.

⁴ Apajuí eme anentsa puyatjusa umigbauwa nunú sukagtawai pujutan, wiakchameutan, eme anentam atan.

⁵ Aents pegkegchau aina nuna tsanumtaiji aidauk ishamain ainawai. Untsu aents niina pujutjin kuitama duka nunak tupantawai.

⁶ Amina uchigmek piipichia duik shiig jintintuata, dutikamu asa múun wajasash kajimatkishtinai.