(Levítico) 10 - Awajún: Apajuí chichame pegkejam Porciones del Antiguo Testamento y el Nuevo Testamento

Nadab Abiújai pegkegchaun takamsamu

¹ Aarógka uchiji Nadab Abiújai kugkuin incienso chimpia apetain jukiag, nuwi jii ekemakag incienson chimpiawag Tuke Pujuu dutikatajum tichamu aig, aak pegkejam Apajuíjai chichatai aakmakbaunum wayawag nuna apeawajui.

² Dutikiagtai chicham umiktin agagbau Apajuínu egketunmaya jii keeka jiinak apeam mai jakajui.

³ Nunikagmatai Moisés Aarógkan chichajak: “Juna pachis Tuke Pujuu chichaak: “ ‘Wi pujamunum taidaunak mina pegkegmajun iwaintukagtatjai. Tuja ashí Israel aents aina nunak mina imanjun iwaintukagtatjai’ tujamayi”, tiuwai. Nuna Aarón antuk, chichatsuk wajasui.

⁴ Nuna tusa Moisés Aarógka apaji yachi Usiel aajakua nuna uchiji aidaun: Misaelan Elzafánjai untsuka chichajak: “Atumi yatsum aidau aak pegkegmanum wayawag jinawaja nunú jiikjum, ii batsatag nunú ukumtikijum imau ejeentajum ukuktajum”, tiuwai.

⁵ Tusa tima shimutuk jiiki jukiag Moisés tibaunak imatiksag dita batsatbaun ukumtikiag imau ejegan ukukiajui.