(Eclesiastés) 11 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Aents yapajau wainkumek, yutai susata yuwati. Nunú dutikau asam, makichik tsawantai ameshkam dutiksaik iikuam atatme.

² Aminu ajutjama duka anetu pujutsuk ajamasta, wagki amek dekatsme waji utugchatak juju nugka juwish nagkaemakti duka.

³ Yujagkim bukusea weakug yumi yutak nuniawai. Numi katugak nujinum, tuja nuniachkush tsumunmagkesh iyakug tuwi iyaje, nuwig tepestinai.

⁴ Ajakmatasa wakegakmek dase dii pujuipa; tuja ajak ajakmamu juuktag takumek nayaim dii pujuipa.

⁵ Dase dasenkash itug weawaki nunú dekatsum numamtuk, tuja uchish wajuk najaneawaki dusha dekatsum numamtuk, Apajuí ashí najankauwa nunash wajuk dutikaukita duka dekatsme.

⁶ Kashikmasam ajakmata, tuja agkushkam ajakmata, wagki yama nagkamchaku ajaamua nunuwash ima shiig nejekat, atsa, ukuunum ajamua nunuwash ima shiig nejekat, aatsa nuniachkush mai betekash nejekat duka dekamainchau asamtai.