Bìoball air-loidhne

2 Timotì 3 - To kə Kəzə̀ kə̀ Fughu ko

Ghəa ghəla a kê səa an tsuʼ n gùŋso mò

¹ Kele tsughu nlò enyəa ghəa a lo ŋgee tughu nù an tsuʼ ŋ gùŋso mò.

² Ghî ghə̀ ke e bɔɔm kwo tsughu ko ghue e ghee zo, ghe e ŋge ki sə a ukʉ̄a gho, ghe e ke chwiilwii ghî ghò, ghaŋso kaaŋ sùghò èghue, ki dzughu à biigh gho, zuuw yo â ghê tsele, fughuu yo zɔ̀ɔŋ ko â ghì ghəla ghe yoso ghee, ghe ke e niī yo ghəa a Kəzə̀ ghò tò ghəa è li zo.

³ Ghe e ke ki yo ləgha zo a zɔŋò ghùw ù lòʼ, ghuuw màʼn sùghò yo bo e ghûw zò, ghe ke maʼn kaaŋ nùʼ tò, ghe e ke mughu fùw kə emùghù kò, ghe ke e ləghaa yò alekòʼ ghəa è dzûŋ è li zo.

⁴ Ghe ke e feēn fughuu kaaŋ ghî ghò, ghe ke e vuūŋ ghəəŋ kaaŋ ghəa gho, ghe e kwo enyəa à bɔ̀ɔm mìaa ko ghee, ghe ke e ləghaa yo Zə̀ kò, kuuwn lâam ləghâ ghəa ghəla ghe zuūw laan zo a te.

⁵ Ghe ke e nəəŋ ghəŋlo enyəa ghe lo ghî à Kəzə̀ kuuwn tuu maʼn daʼa kə Kəzə̀. E kwo ko ghù lò kele ghəa è li zo aleghəŋlo ghɛ̀ à ghê ghì ghən.

⁶ Ghî à li gho aŋ ghì ghən nyəa kaāŋ tsə̀ghà ndùghù tə̀ndughū, ghe tsèe ndùw yìzən ghəla ghe ki fə̂ŋ tə̀ tsəəŋ to. Yîzən ghən lo ghəla bôo tə ghee tə lo mo tə ŋ ghee tsəghàsə, ghe yia a səā sugho â sə gho am fʉgha u mbī wo.

⁷ Yîzən a te a tsôo nùu tsəgha ko alezoʼn ghəa à fughu gho, mo ghe kaām zuwkɛlɛ kòʼ tsə̀ghà səŋò zò.

⁸ Ghî ghən təghàsò kàŋlo èsəŋò, to aŋghəa Dzânɛ̀s ghèe Dzàmbɛlɛ̀s fə̀ təghàso kaāŋ shwaʼ u Musî wò. Aghî mo ghe ki dzə̀adzə̀ u təfə̀ŋ, mo ghe m bvʉ̀ kòmlò aŋ ghəa a ghee tò ghî a Kə̀lestò.

⁹ Ghe lo tsùuŋ ghə̌əŋ kəəŋ ndùw dzə̀ yò ghəa a ghee a te gho, tɔŋlo enyəa ndə̀mà tə aghì tə̀ lo kòʼò tɔ̌ɔ kɔʼɔ enyəa ghe lo ghî à laʼso gho, tò aŋghəa ghe fə̀ kôʼ tɔ kɔʼ a Dzânɛ̀s ghò ghèe Dzàmbɛlɛ̀s.

Pôl dzɛ̀ enyəa Timotì nì ghuw kə ebwìi kə ghee

¹⁰ Yia a bughò ghû a Timotì, ghù kwò nû fəgha kəla mùghò mò ghî ghò a te, àsùghò mùghù zaŋā zo e dzə̀m. Ghù kwò nû aŋghəa Ŋ̀ gaʼ fə̀ŋ a te a zəŋò Kə̀lestò àsùghò fəgha kəla Ŋ̀ kəŋo ghè kò fɛ am mbī, àsùghò ləgha zəla Ŋ̀ ki â ghì ghò àsùghò enyəa Ŋ̀ kwo nû alekɔlɔ fə̀ŋ. Ghù vʉa ghù kwo sughò enyəa Ŋ̀ kwo nû aleghaŋso ùghue am fwàʼ kə Kəzə̀ abugho ghəa a buʼù tughu ko nû.

¹¹ Ghù kwò nû aŋghəa ghe mò dzaŋso mugho a te àsùghò aŋghəa mùghò mò fala a te. Ghù vʉ̀a ghù kwo sugho tsû wəla mùghò mò lo a te an Antìok, Ekonìum àsùghò an Listə̀là. Aŋghəa ghəa ghən fə̀ səā a zəŋò mùghò, Mughu ù te naam bəghasə̄ ko mùghò aŋ ghùu ghəa a te gho a dzə̀m.

¹² Alekùu nîi tsughu, ghe lo ndzaŋso nù ghî ghə̀n a dzə̀m ghe ləghaa alemughù mùghù è Kəzə̀, bòʼ ghe kê lə̀ghaa alelo alo kəfəgha kə mɔ̀ʼ ghèe ghê Kə̀lestò Yɛso.

¹³ Ghî à biigh gho àsùghò ghəla ghe dzɛ̂ enyəa ghe lo kən mo ghe yo ghè kò lo e fəghaan boo ndzaʼn mɛʼn nduw, ghe ke e tseē kaaŋ ghî ghò, ghî ghə̀ è tseē sugho ghee.

¹⁴ Yìa a bughò ghû, tee tən tsughu am fəgha kəla ghù lǒ mò ghù n zoʼnlo, boo tə̀n è tsughu, tɔŋlo enyəa ghù kwò nû ghùw wəla ù mò zoʼn ghû a te,

¹⁵ àsùghò enyəa, ghù fə̀ ki kele to nû shwaʼ u Kəzə̀ wò a ŋ wɛ̂ɛtùghu. Shwaʼ u te vʉa u fughuu ghû â tɔ wo enyəa ghù zə tuw ko aŋghəa ghù boō fughu â Kə̀lestò Yɛso.

¹⁶ Aghəa a dzə̀m am Mwàʼsò kə Kəzə̀, à dè fùghù wò Kə̀zə̀ enyəa ghe tɔɔ̄ naŋa nyəa tsughu, enyəa ghe e zoʼn ghî ghò a te, ghe e kwɛɛ̄n ghî ghò a te, tsʉ̀a àghì a te, enyəa ghe e mughu mughù è tsəghatsəgha zo.

¹⁷ Zən lǒ dzì è Kə̀zə̀ aletughuso ghùw ù kə̀fwàʼ ù wə̄n alo aghəa a dzə̀m, aŋghəa ù lǒ tò ù è fwaʼā fwàʼ ù dzûŋ wə̀n ù dzə̀m.

« Roimhe

Air adhart »

2020

Lean sinn:

Ceanglaichean taic

Sanasan