Biblia Todo Logo
Bìoball air-loidhne

- Sanasan -

SOLOMONKE MIRIE 2 - DEENA BAIBÉL (BSI)

1 Ngo Sharon lokke monam appunpe komin, delokke gíílíng-géjong lokke lili appun komin.


Milokongke Luname

2 Tang kako aralo lili appun kaanam kísa, mime kídí aralo, ngok mííbasunam bí idung.


Mimeke Luname

3 Monam siilung aralo, apél esing kísa, milo yaamé aralo ngok mííbosunam bí idung. Ngo delokke ugyum aralo duulídung, delokke bíkke ayéde ngok nappalo tiidung.

4 Bí ngome bíkke domanko ekumlo gíbola, ayang jandiem ngok teyolo tungkanto.

5 Ngome loreenam onggur ayélok ralmo langka, delokke apél ayélok dobeng sumolangka! Kapeila ngo yagorupe míítí kolok, ralnam kaimang.

6 Bíkke lakké alage ngok dumpong rumkíng danlo ila, lakbík alag loge ngome gomdung.

7 E Jirusalem lok mime kídía, ngome arík lokke dumsung kídí lokla, sisuk kídí lok, nolu ngonyike ayang bosunamem, ipéé bimayé emla ngom pébi sulangka.


Miri Annyinane Mimeke Luname

8 Ngo ngokke mííbosunamke adudem tatpadung, bí dííte kídíem dukboola, díítum kídíem tígboola, ngokkíng dugadung.

9 Ngok mííbosunam bí, sisuk kísa, demangkom dumsung yaaména kísa. Kaatola, ngoluk etor méélam esi, bí dakla, kirkilok kaangadung, delokke suppi pébarlok, kanggo sudung.

10 Ngom míínabí ngome sipe podung: E ngok ayang bosuname, gerep tola, E ngokke mííbasuname, ngokkíng aatola,


Milokongke Luname

11 Kaatola, dígíne gíla, pedong oyimang;

12 amongso appune punlenkai, Miri ludí moodíe píngkai, delokke among so pekí-pettang adude lenkai.

13 Tapang esing lokke ayé minlen dubong, onggur ayé minna aríe asarlo gyanggo dubong, E ngok ayang bosuname, gerep tola, ngokke mííba suname, ngokkíng aatola.

14 Lííreng pénsamlo rusisuna pekí-pettang kísa inako no. Nok kampona migmoem ngome kaamoi, delokke tatporuna nok gomugem tatmoi.

15 Ngoluke onggur bagane minkabong, dekena baganem loorímape ibina, ménsurung kídíem, aména ménsurung kídíem ngoluke legape umbikai.


Mimeke Luname

16 Ngok mííbosunam bí ngokke, delokke ngo bíkke. Bí bíkke mér alungem, lili appun kídí aralo,

17 roh asare muyyinma tetengem, delokke kaamoe gíbídma tetengem yébodung. Bether díítelo yéna dumsung kísa, ayabosunam no sisuk kísa aalat sulangkuka.

Adi (Re-edited) Bible - Deena Baibél

Copyright © Bible Society of India, 2012.

Used by permission. All rights reserved worldwide.

Bible Society of India
Lean sinn:



Sanasan