SANNAM 1 - DEENA BAIBÉL (BSI)

Israel Opínke Kerayalum Amín Atgooname

¹ Israel kídíke Ijipt amolok gílen rongku dítak annyi lokke poolo annyi lokke kerang longe delo yépol mooruklo Ruutumke Tombu delok Mosime Ruutum bí poto,

² “Aaron nonyi Israel maglíngem mipil miyongpe amínlok atyonla, erangpe, opín odongpe sanlangka.

³ Takying annyi nalok irekla mimaklo gíbena minepe yéna milokong tabungem Aaron nonyi sanlangka.

⁴ Nonyime san-guldope opín buang miyong lokke miro yalumem ilík langka.”

⁵ Si miro kídar si buluke erang sulok, san-gul bosudope ulname: Reuben opín lokke Shedeurke oo Elijur.

⁶ Simeon opín lokke Jurishaddaike oo Shelumiel.

⁷ Judah opín lokke Amminadabke oo Nahshon.

⁸ Issakhar opín lokke Juarke oo Nethaniel.

⁹ Jebulun opín lokke Helonke oo Eliab.

¹⁰ Josephke oo kídí aralokke: Ephraim opín lokke Ammihudke oo Elishama. Manasseh opín lokke Pedajurke oo Gamaliel.

¹¹ Benjamin opín lokke Gideonike oo Abidan.

¹² Dan opín lokke Ammishaddaike oo Ahiejer.

¹³ Asher opín lokke Okranke oo Pagiel.

¹⁴ Gad opín lokke Deuelke oo Eliasaph.

¹⁵ Naphtali opín lokke Enanke oo Ahira.

¹⁶ Si ami kídar si miku kídíke opín buang lokke miro kídípe tolíkname delokke Israel opín kídíke ruutum kídare.

¹⁷ Mosila Aaron bínyi, amín binam ami kídar sim laala,

¹⁸ bulu poolo annyi nana lokke kerang longe delo Israel maglíng tabungdem bogum-bokape tomdum sugeyéla agí agíke opín odong supelang, edung erangpe mimaklo gíbena takying annyi nalok irekla minepe ina ami kídíem lang rarung miyongke abu-abíng kídí tabungem sanlíkla amínem atyinla sapto.

¹⁹ Sinai mooruk amolo Ruutumke Mosime lulíg nampe bí ami tabungem sanyinto.

²⁰ Israelke oge yalumnam Reuben kelok lenna opín odong lokke mimaklo gíbena takying annyi nalok irekla minepe ina amiem pínmík pelang raamíkpe atyonla mipilem amínlok atmíkname,

²¹ Reuben opínde 46,500 ko amie ito.

²² Simeon keelok lenna opín-odong lokke mimaklo gíbena takying annyinalok irekla minepe ina amiem pínmík pelang ramíkpe atyonla mipilem atmíkname,

²³ Simeon opínde 59,300 ko amie ito.

²⁴ Gad kelok lenna opín-odong lokke mimaklo gíbena takying annyinalok irekla minepe ina amiem pínmík pelang ramíkpe atyonla mipilem amínlok atyonname,

²⁵ Gad opínde 45,650 ko amie ito.

²⁶ Judah kelok lenna opín-odong lokke mimaklo gíbena takying annyinalok irekla minepe ina amiem pínmík-ramíkpe atyonla mipilem atmíkname,

²⁷ Judah opínde 74,600 ko amie ito.

²⁸ Issakhar keelok lenna opín-odong lokke mimaklo gíbena takying annyinalok irekla minepe ina amiem pínmík-ramíkpe atyonla mipilem atmíkname,

²⁹ Issakhar opínde 54,400 ko amie ito.

³⁰ Jebulun kelok lenna opín-odong lokke mimaklo gíbena takying annyinalok irekla minepe ina amiem pínmík-ramíkpe atyonla mipilem amínlok atyonname,

³¹ Jebulun opínde 57,400 ko amie ito.

³² Josephke oo kídí ara lokke: Ephraim kelok lenna opín odong lokke mimaklo gíbena takying annyinalok irekla minepe ina amiem atmíkname,

³³ Ephraim opínde 40,500 ko amie ito.

³⁴ Manasseh kelok lenna opín-odong lokke mimaklo gíbena takying annyinalok irekla minepe ina amiem pínmík pelang ramíkpe atyonla mipilem atmíkname.

³⁵ Manasseh opínde 32,200 ko amie ito.

³⁶ Benjamin kelok lenna opín-odong lokke mimaklo gíbena takying annyinalok irekla minepe ina amiem pínmík pelang ramíkpe atmíkname,

³⁷ Benjamin opínde 35,400 ko amie ito.

³⁸ Dan kelok lenna opín-odong lokke mimaklo gíbena takying annyinalok irekla minena amiem pínmík pelang ramíkpe atyonla mipilem amín lok atmíkname,

³⁹ Dan opínde 62,700 ko amie ito.

⁴⁰ Asher keelok lenna opín odong lokke mimaklo gíbena takying annyinalok irekla minepe ina amiem pínmík pelang ramíkpe atyonla mipilem amín lok atmíkname,

⁴¹ Asher opínde 41,500 ko amie ito.

⁴² Naphtali kelok lenna opín-odong lokke mimaklo gíbena takying annyinalok irekla minepe ina amiem pínmík pelang ramíkpe mipilem amín lok atmíkname,

⁴³ Naphtali opínde 53,400 ko amie ito.

⁴⁴ Si ami kídísi Mosi lang Aaron delokke opín buang lokke ullen nam midum íying kolang annyi miro kídíke sanname.

⁴⁵ Mimaklo gíbena takying annyi nalok irekla minepe inem agí-agíke opín-odong supe lang edung-erangpe Israel daapong sanname,

⁴⁶ takamem idumsula midum 603,550 ko amie kato.

⁴⁷ Idola Lébi opínke pínmík emlang raamígem abíd opín-buangem sanduem santak sulíkmato.

⁴⁸ Ruutum bí Mosi me poto,

⁴⁹ “No Lébi opín dem sanmapeka demangkom abíd Israelem atyonla atmík kolo attak sulík mapeka.

⁵⁰ Delok ayanpe Lébi opín dem ngok dungko Tombu demlang delo ekuserang duuna tabungem kaabom tadbomdope tolík langka. Bulu Tombu demlang delokke ekuserang kídíem jonggong bomla, buluke notkoem Tombu delokke ampelo hogola ilangka.

⁵¹ Edí-edílodí nolu byagyéne delo Lébi kídíde Tombudem atla aní notko ikukolo molík langkula ilangka. Abíd amie Tombu delokke anínlo aanako kamílo moka langka.

⁵² Israel abíde agí-agíke opín-buang supe agí-agíke jandi díípomlo tombuem hola duulangka.

⁵³ Idola Lébi kídíe Ruutumke Tombu deme dunggo bomla, Israel daapong teyonglo Ruutumke marname aamadope duubom langka. Ruutum ke Tombu deme kaabom-tatbomla Lébi kídíe ilangka.”

⁵⁴ Ruutumke Mosime pokampe Israel tabunge deke takamdem iyinto.