NGIITOM SIRUNG 27 - DEENA BAIBÉL (BSI)

¹ Nyampoke legape míítí sumapeka. Pénsamlo no kape iyédí dem no kénsumang.

² Amiem koyit kosulangka; no agísue koyit sumapeka.

³ Atí kénmanalok ebín lennamdem pemílo elíng, delokke siiyé tebege etsayadung.

⁴ Marlíde kanííne, delokke nyokmone, idola dempenem nesunamde atímayane.

⁵ Akone ngom bí mínggemang emla míísudope inam dempemílo, bíkke tatsukolo lusi lumonamde aiyado.

⁶ Angong emnamde bí nom míínyidope idokom aine, idakkom edílo mirue nom gomrík suyédí ansulangka!

⁷ No kiidaryém, ngullang emte domape medo, igeyéla edílo no kenoyédí, delo kosaana dotkéyemte ngamdope dodo.

⁸ Tanie ekumem gínyonamde pettange asubem gínyonam akame.

⁹ Nampona, delokke namoona télde nom ashémoyadung, idola ebíne nokke aapí míípoem inyokdung.

¹⁰ Nokke angongem, demangkom nokke abuke angongem mitpan sumapeka. No adír dumílo, nokke bíroem iguldope tommapeka; kumríe mootelo duuna nok bíroem pemílo igulyayé.

¹¹ Ngokke ua, gyankana amipe ilangka, delo ngo ashéyé; delo séko ngom lukayédí ngo dem poyansuyé.

¹² Kénsuna amie ebín bínpenamem kaatosula ansudo, idakkom míngíímana amie delo gíbut sulíkdung, delokke méélamlo bursudungku.

¹³ Mibo amilokke ajéngem atí kénmape dorbipe emla togena ami lokke ekumde dorkunana are isaplo kadung.

¹⁴ No nokke angongem bottepe gogla, ruem urrepla ashéng lupoem ponamde bím béénam akamdung.

¹⁵ Géétína méngde, doodí rímtína doopil kísa.

¹⁶ No kape kísa bím ngommadope ilayéne? No asarem umyangkípe ikítonía, demangkom télem lakpyolo bítmomape bomkítonía?

¹⁷ Tanie akone akonlok kaayiisudo, aremlok aremem píraddo.

¹⁸ Rípum anem mosaatoka, delo nokke rípum dopename lenyé. Agí ruutumem ankína bééradem ayayé.

¹⁹ Asilo mingmo kaanamde nok agí mingmuem kaasudung, delokke nok akordelok agí aangem kaasudung.

²⁰ Tani míínamde tani amosokke ago kísadung, delo agínpe akote paaduamang emla mííyardung.

²¹ Eme uun emlang baldínem aro-menam gukaado; amike amín kanam emkom ikaalado.

²² Sita simadope midem no demtokom, no bíkke mide yao aapíem dempíímayé.

²³ Nokke mér emlang gooru sobénem edítko paklayédí dem ankí bompe aido,

²⁴ kapeila ekurade duuyarmayé. Opín kídíete duuyarmayé.

²⁵ No tamiem gattoka, delokrongem gatrukde sangku mangadape etpalok tamiem gattoka.

²⁶ No ege galugem mér amídlok ilenlado, delokke sobén ayokonem kola paanam abal delok amongem relado.

²⁷ Sobén kídíde nokke pelang nok ekum erang legape, delokke nokke mime béérang kídí legape anyunem biyé.