NEHEMIAH 12 - DEENA BAIBÉL (BSI)

Miri Kídí Kelang Lebi Kídíke Odonge

¹ Jerubbabelke oo Shealtiel kílang Jeshua kíng enlat mínkuna Lebi kídíe lang miri kídíe sikesi: Seraiah, Jeremiah, Ejra,

² Amariah, Malluk, Hattush,

³ Shekaniah, Rehum, Meremoth,

⁴ Iddo, Ginnethoi, Abijah,

⁵ Mijamin, Maadiah, Bilgah,

⁶ Shemaiah, Joiarib, Jedaiah,

⁷ Sallu, Amok, Hilkiah, delokke Jedaiah. Si ami kídísi Jeshuake longelo miri kídílok delokke buluke bíro kídílok yégebona kídíe.

⁸ Delokke Lebi kídíe: Jeshua, Binnui, Kadmiel, Sherebiah, Judah, delokke bíro kídíem yitgenam miri lukolo lugebona Mattaniah.

⁹ Delokke buluke bíro Bakbukiah lang Unno bínyi buluke agér iko kékonlo dakto.

¹⁰ Delokke Jeshuabí Joiakimke abue, Joiakimbí Eliashibke abue, Eliashib bí Joiadake abue,

¹¹ Joiadabí Jonathanke abue, delokke Jonathanbí Jadduake abue.

Miri Erang Kídíke Yégebona Kídare

¹² Joiakimke longelo, miripe ina erang kídí lokke sikesi yégebona kídíe: Seraiahke eranglok Meraiah; Jeremiahke eranglok Hananiah;

¹³ Ejrake eranglok Meshullam; Amariahke eranglok Jehohanan;

¹⁴ Mallukike eranglok Jonathan; Shebaniahke eranglok Joseph;

¹⁵ Harimke eranglok Adna; Meraiothke eranglok Helkai;

¹⁶ Iddoke eranglok Jekhariah; Ginnethonke eranglok Meshullam;

¹⁷ Abijahke eranglok Jikri; Miniaminke eranglok…; Moadiahke eranglok Piltai;

¹⁸ Bilgahke eranglok Shammua; Shemaiahke eranglok Jehonathan;

¹⁹ Joiaribke eranglok Mattenai; Jedaiahke eranglok Ujji;

²⁰ Sallaike eranglok Kallai; Amokke eranglok Eber;

²¹ Hilkiahke eranglok Hashabiah; Jedaiahke eranglok Nethanel.

Miri Kelang Lebi Erang Kídíem Atkumname

²² Lebi kídí kepe Eliashib, Joiada, Jonathan, delokke Jaddua, buluke longe kídí delo, erang midang kídíem, delokke miri kídí lokkem kom Parsialo Dariaske ruutum bomdo delo atyinla mesiituai.

²³ Lebi erang kídíkem dan Eliashibke oten Jonathanke longe delo miro kídí amiem legang atkumko kitablo atkumto.

Kumkeng Ekumlo Agér Parlíkname

²⁴ Lebi kídílok yégebona kídíe: Hashabiah, Sherebiah, delokke Kadmielke oo Jeshua, delokke buluke keralo duuna bíro kídíem Shédíke ami Dabidke lulíknam ayonpe opéé-opéé tolík-tua bosula yitgenam, delokke rínggenam miriem ludope parlíkto.

²⁵ Mattaniah, Bakbukiah, Obadiah, Meshullam, Talmon, delokke Akkub bulu yapgo lamgé dakbomna kídíde lamgé kídílok kumsung kídíem dakbomtuai.

²⁶ Si ami kídí si Jehojadokke oten, Jeshuake oo Joiakim kelang gobonor Nehemiah, delo ngiitom poyilna miri Ejra buluke longelo duuto.

Jirusalemke Líísak Etorem Nehemiahke Tosaklíkname

²⁷ Jirusalemlok líísak etorem tosak líkdope emla idoem, ashéng yidgenam miri lok, delo lupiyang loklang harp tapung lok tosaklíknam aran dem ibosudope emla Lebi kídíem buluke yéko takam lok matalangkula Jirusalemlo aabotoku.

²⁸ Miri luna Lebi erang kídíde Jirusalemem dunggola dungko kídí deloklang Netophah em dunggona doolung kídílok;

²⁹ delokke Beth gilgal lok, Gebalok, delo Ajmabeth among kídílok aadum suto; kapeila miri luna kídíde Jirusalem degong delo buluke legape doolung molíktuai.

³⁰ Delokke delo miri kídí delang Lebi kídíde agíem pídésuto; delokke bulu ami kídíem, lamgé kídíem, delokke líísak etorem pídéto.

³¹ Delo ngo Judah em yégebona kídíem líísak etor teyodelo laadumsula, luune dem, yidgela miri lula yonna bottena opéé annyi dem kangge bodope parlíkto. Opéé akonde lakbík danpe líísak etor teyong delok Nyoruk Uupom Lamgépe gíto;

³² delokke buluke méélamlo Hoshaiah lang Judah lok opéé konem yégebona kídíe gímín geto,

³³ delokke Ajariah, Ejra, Meshullam,

³⁴ Judah, Benjamin, Shemaiah, delo Jeremiah,

³⁵ delokke miri kídí lokke bikul bomna oo kídí Jekhariah, bí Jonathanke ue, bí Shemaiahke ue, bí Mattaniahke ue, bí Mikaiahke ue, bí Jakkurke ue, bí Asaphke ue;

³⁶ delo bíkke ali-atod Shemaiah, Ajarel, Milalai, Gilalai, Maai, Nethanel, Judah, delokke Hanani bulu Shédíke ami Dabidke tapung kídíem bulukelo bomto, delokke ngiitom poyilna Ejra bí buluke kerang-keralo gígeto.

³⁷ Sirung Lamgé delok bulu Dabidke doolungpe saalíkna ebang delok saala Dabidke ekumem gíbongpala, delokke doolung delok sanggodanke Asi Lamgé delokke líísak etor delo aalattoku.

³⁸ Yidgena opéé konde lakké danpe líísak etor teyolok gíto, delokke ngo ami opéé kondem gíbosula buluke méélamlo gímín geto. Ngolu Ettíng Pampom Tawarem gíbongla Bortakna Líísak Etorlo gíto,

³⁹ delokke delok ngolu Ephraim Lamgé, Aku Lamgé, Engo Lamgé, Hananelke Tawar ekum, delo Língko lokke Tawar ekum kídíem gíbongla, Mér Lamgé loope gíto. Ngolu Kumkeng Ekum delokke lamgé anín deloope yonríto.

⁴⁰ Dekepe Shédíme miri lula yidgena opéé annyide Kumkeng Ekumlo dagato. Ngokkíng lekope ruutum yébom sunam kékonlo,

⁴¹ ngokke opéélo bikul mutna si miri kídí si yémín geto: Eliakim, Maaseiah, Miniamin, Mikaiah, Elioenai, Jekhariah, delokke Hananiah;

⁴² delokke buluke méélamlo Maaseiah, Shemaiah, Eleajar, Ujji, Jehohanan, Malkijah, Elam, delo Ejer bulu gímín geto. Jejrahiahke luge boko aralo miri luna kídíde botterupe miriem luto.

⁴³ Delo longe delo bojéko ipak-saamoem ilíkto, delokke ami kídíde yagorupe ashéngto, kapeila Shédíbí bulume bottena ashéngem ruulíkbito. Mime kídíe lang ome-oo kídíekom ashéng-angam delo imín geto. Delokke Jirusalemlok dekepe ashérupe inam dem mooteng lokkekom adudem tatpaato.

Kumkeng Ekumlo Kumsunam Agér Legape Dokange

⁴⁴ Delo longe delo milokong kídíem, dokang ulnam takamem, siipí-siiyé kídíem, delokke íying sanpek kídíem Kumkeng Ekumke kumsunglo mekumnamem kaabomdope parlíkto. Si ami kídar si ayonke míngkorlok, miri kídí kepelang Lebi kídí kepe doolung takam kídí delokke ampenglo duuna arík kídí, delokke íying sanpegem langgodope parlíkname. Judah lok ami takame miri kídí demlang Lebi kídí dem aipe mííyinto,

⁴⁵ kapeila bulu pídeng-idengnam emla Shédíke abíd lulígnam kumsuko lokke idung-itok kídíem iboto. Kumkeng Ekum lokke miri luna kídí delang yapgo lamgé dakbomna kídí dekom Dabid roja kelang bík oo Solomonke ibinam ayon adupe bulume parlíknamem ito.

⁴⁶ Dabid kelang miri lujina Asaphke kerang yédo delokke ila, miri lujina kídíe Shédíme yitge-rínggenam miri kídíem lugebotuai.

⁴⁷ Jerubbabel ke, delokke Nehemiahke longe deloteng Kumkeng Ekum lokke miri luna kídí kepelang yapgo lamgé dakbomna kídí legape loodípe bipenam aman kídíem bito. Lebi kídí dem ami kídíde deena amanko bidungai, delokke delok Lebi kídíde miri kídídem buluke paapenam tarongem bisudungai.