NEHEMIAH 11 - DEENA BAIBÉL (BSI)

Jirusalemlo Dungkuname

¹ Yégebona kídíde Jirusalemlo duulíkto, delokke abíd ami kídíde erang íying miyonglok erangko ullenla deena doolung Jirusalemlo duudope, delokke konangde abíd-abíd doolung kídílo duudope emla lotori sobosuto.

² Delokke séko bulu Jirusalemlo duupe emla agíe míísat sulentodí, bulume ami kídíde yitgeto.

³ Si ami kídí si moole takam lokke Jirusalemlo duulíkna miro kídíe; idola Judah lokke doolung kídílo agí-agí asi amonglo duuna kídíe, Israel ami kídíe, miri kídíe, Kumkeng Ekumlo agér ina kídíe, delokke Solomonke béérang kídílok otíng oyin kídíe.

⁴ Delo Judahke oo kídí aralok, delokke Benjaminke oo kídílok ayokone Jirusalemlo duune kaato. Judahke oo kídí lokke: Athaiah, bí Ujjiahke ue, bí Jekhariahke ue, bí Amariahke ue, bí Shephatiahke ue, bí Mahalalelke ue, bí Perejke otíng kídí lokke;

⁵ delokke Maaseiah bí Barukhke ue, bí Kolhojehke ue, bí Hajaiahke ue, bí Adaiahke ue, bí Joiaribke ue, bí Jekhariahke ue, bí Shilon ami Shelahke ue.

⁶ Perejke oo kídí aralok milo ardana 468 ko bodume Jirusalemlo duuto.

⁷ Delo si Benjaminke oo kídíe: Sallu bí Meshullamke ue, bí Joedke ue, bí Pedaiahke ue, bí Kolaiahke ue, bí Maaseiahke ue, bí Ithielke ue, bí Jeshaiahke ue.

⁸ Delokke bík méélamlo Gabbai, Sallai, idume midum 928 ko.

⁹ Jikrihke oo Joelbí buluke yégebona ruutumpe ito; delokke Hassenuahke oo Judahbí luune delokke ruutumem nítmín gena ruutumpe ito.

¹⁰ Miri kídí lokke: Joiaribke oo Jedaiah, Jakin,

¹¹ Seraiah, bí Hilkiahke ue, bí Meshullamke ue, bí Jadokke ue, bí Meraiothke ue, bí Shédíke ekumem ruutumna Ahitubke ue,

¹² delo ekum delokke agér ina buluke bíro kídíe idumsula 822 ko; delokke Adaiah, bí Jerohamke ue, bí Pelaliahke ue, bí Ajmike ue, bí Jekhariahke ue, bí Pashhurke ue, bí Malkijahke ue,

¹³ delokke erang kídí lok midangpe ina bík bíro kídíe idume 242 ko; delokke Amashsai, bí Ajarelke ue, bí Ahjaike ue, bí Meshillemothke ue, bí Immerke ue,

¹⁴ delokke buluke milo ardana bíro kídíe 128 ko; Haggedolimke oo Jabdielbí buluke yégebona ruutumpe ito.

¹⁵ Delokke Lebi kídí lokke: Shemaiah, bí Hasshubke ue, bí Ajrikamke ue, bí Hashabiahke ue, bí Bunnike ue;

¹⁶ delokke Shabbethai lang Jojabad. Bínyi Lebi kídíke midang aralok Shédíke ekum lokke luyudan lok agér kídíem kanggebona annyie;

¹⁷ delokke Mattaniah, bí Mikake ue, bí Jabdike ue, bí yitge kumnamem kumgebona ruutum Asaphke ue, delokke Bakbukiah bík bíro kídí aralo nítmín gena ruutume; delokke Abda, bí Shammuake ue, bí Galalke ue, bí Jeduthunke ue.

¹⁸ Deena luune delo Lebi takamem idumsula 284 ko kato.

¹⁹ Yapgo Lamgé dagbomna kídí, Akkub, Talmon, delokke lamgé kídíem dagbomna bínyike bíro kídíe 172 ko ito.

²⁰ Delokke Israel ami abíd kídíe, mirí kídíe, delokke Lebi kídíe mipil miyonge agí-agí bomsunamlo, Judah lok doolung kídílo duutuai.

²¹ Idola Kumkeng Ekum béérang kídíde Ophello duuto; delokke Jiha lang Gishpa bínyi Kumkeng Ekum béérang kídíem yégebotuai.

²² Jirusalemlo duuna Lebi kídíke ruutumpe Ujji, bí Banike ue, bí Hashabiahke ue, bí Mattaniahke ue, bí Mikake ue, bí Shédíke ekumlo miri lunam agérlo ina Asaphke oo kídí lokke bí ito.

²³ Kapeila buluke legape rojalok lulíknamko katuai, delokke longe-longe lok míngkorpe miri luna kídíke legape tarongem ruubila metuai.

²⁴ Delokke Pethahiah, bí Meshejabelke ue, bí Judahke oo Jerahke oo kídí lokke, bí ami kídí delok legape rojadelo dagge binape ito.

Jirusalem Luyulo Duuna Doolung Kídíe

²⁵ Ami kídí delokke alume, buluke arík kídí anín lokke doolung kídílo duuto. Judah ami kídíe Kiriath Arbalo, Dibonlo, delokke Jekabjeello, delokke sok luune kídí sokke ampeng lokke doolung kídílo,

²⁶ delokke Jeshualo, Moladahlo, delokke Bethpeletlo,

²⁷ Hajarshuallo, Beershebalo, delokke delok ampeng doolung kídílo,

²⁸ Jiklaglo, Mekonahlo, delokke delok ampeng doolung kídílo,

²⁹ Enrimmonlo, Jorahlo, Jarmuthlo,

³⁰ Janoahlo, Adullamlo, delokke delok ampeng doolung kídílo, Lakhish lolang delok arík kídílo, delo Ajekah, delokke delok doolung kídílo. Dekepeila Judah ami kídíde Beershebalok duulenla Hinnom Yiibe loope duuto.

³¹ Benjamin lok ami kídíde Geba lok duulenla Mikmash, Ai, Bethel, delokke delok ampengke doolung kídílo,

³² Anathotlo, Noblo, Ananiahlo,

³³ Hajorlo, Ramahlo, Gittaimlo,

³⁴ Hadidlo, Jeboimlo, Neballatlo,

³⁵ Lodlo, delo Onolo, delokke Monyo Yiibe loope duuto.

³⁶ Judah amonglo duuna Lebi kídílok opéé ayoko Benjamin ami kídílo lekope duudope parlíkto.