MIRILUNGGU 99 - DEENA BAIBÉL (BSI)

Shédí Bí Botte Yalumna Roje

¹ Ruutum bí Roje! Amikídíe dan-gedung. Sérubim teyolo bíkke palengem medasula bí dung, delokke amonge ton-gedung.

² Ruutum bí Jayonlo botterune; bí angu opín takam teyolo botte yalumne.

³ Mipile bíkke bottena delokke kekímna amínem rínggeyé! Bí deene!

⁴ Tolna ralna Roja no jonna bedangem mííne; no Israello jonna bedangem ilíktung; no yéjiinam bedangemlang ainamem bomato.

⁵ Ruutum ngoluke Shédí bím yidlangka; bíkke paleng keralo kumlangka! Bí deene!

⁶ Mosilang Aaron bínyi bíkke mirie, Samuelkom bím kumna lokke akonko. Bulu Ruutum kíng gokto, delo bí bulum tatbito.

⁷ Bí muklemlok bulum luposuto; bulu bíkke binam ayonemlang delokke ngiitomem igeto.

⁸ E Ruutum ngoluke Shédía, no bulum pokanbito; no bulukepe mesam bina Shédípe ito, idola atímanem edorakune.

⁹ Ruutum ngoluke Shédí bím koyitlangka, bíkke deena díítelo kumsulangka; kapeila Ruutum ngoluke Shédí bí deene!