MIRILUNGGU 95 - DEENA BAIBÉL (BSI)

Rínggenam Miriko

¹ Kaju Ruutumkíng miri lulaju; kaju ngolum mosiina Shédíkíng miri lulaju!

² Bíkkíng yidge laangala aalaju, kaju yidgenam mirilok lula bíkkelo ashélaju.

³ Kapeila Ruutum bí botteruna Shédíe, delokke angu shédí takamlokke Roje.

⁴ Bí among tabusim rumkí yalumlok ilangala, kedon yalumna díítelope yébomdung.

⁵ Siyéngde bíkke, kapeila bí dem píto. kapeila bíkke alaglok bí moopí emteng píto.

⁶ Kaju bím gubadola kumsulaju; kaju ngoluke pílenna Ruutum bím lebíng koníla kumsulaju!

⁷ Bí ngoluke Shédíe, ngolu bíkke ankí bomnam amie, bíkke donam binam mér bénbame; bíkke ponamem silo tatgaptola;

⁸ “Meribahlo noluke abu kídíke inam kísape, Massah emnam mooruk amolo inam kísape aapíe eda mapeka.

⁹ Delo bulu ngokke bulu kepe ibinam agérem kaado teríla, ngom bulu aro-menam ikang darkaato.

¹⁰ Kapeila takying appi kokai ngom bulu ipu siléla yéto. Ngo luto, ‘Bulu kape mínggemane! Bulu ngokke ngiitomem tatmang!’

¹¹ Ngo marla pésuto, ‘Nolum ngokke apéé mopeko amonglo nolu edílokom aalamayé!’ ”