MIRILUNGGU 93 - DEENA BAIBÉL (BSI)

Roja Shédí Bí

¹ Ruutum bí roje, bí kaalíkna egem gedung, bí ralnarunge. Amosim edíírupe pítung delokke angupe ilayimang.

² E Ruutum, nokke palengde lendak delokkai edííne, no kerango pekai duusune.

³ E Ruutum, puumu asie goolenkai, puumu adude rímrepla ngomrepkai.

⁴ Ruutum bí teyong telo botte yalumne, aane siyéng situm bukdud emte botteyane. siyénglokke sigíremte ralyane.

⁵ Nokke ayonde berokrune; delokke nokke ekumde agínpe deenarunge.