MIRILUNGGU 82 - DEENA BAIBÉL (BSI)

Teyong Yalum Yébona Shédí

¹ Shédí bí teyong kebangem lubone, shédí kídíke kebang gooralo bí agíke mííyin sunam agomem pokandung.

² “Atímana kebang ayonlok kebangem luyin mapeka, delokke atímana mirul kídíem no aabo sumapeka.

³ Aatí opan takam legangem kaabilangka; Arééna, delokke mepaknam kídíem paapesunamem paamotoka.

⁴ Atímana mirul kídí lokke opan arééna kídíem laalen langkuka.”

⁵ “Nolu kénmarung! Mide rungeke! Nolu berokrupe atírumang, jonname tani amosokke nyokkai.

⁶ Ngo ludung, ‘Nolu shédí kídíe, nolu takam Teyong yalum Shédíke oo takame.’

⁷ Idakkom tani akampe nolukom siyéku, noluke turname roja oo akon kísape nyokyé.”

⁸ E Shédía, aala amosim ruutum bomtola, kapeila opín takamsi nokke!