MIRILUNGGU 76 - DEENA BAIBÉL (BSI)

Shédíbí Ikumne

¹ Judahlo Shédíme kéndung; bíkke amínem Israello bottepe yidgedung.

² Bíkke ekume Jirusalemlo kadung; bí Jayon díítelo duudung.

³ Delo miru kídíke mimak ekurang, yokmo, tamte, delokke yoksa takamem dírpak bito.

⁴ E Shédía, nokke miruem ikumko díítelok oidakkuem no edítko kangkím dune.

⁵ Buluke miga-miramna sipaying kídí delokke bomnam takamem rotbínto delokke supak bulu sipe emla miklup aadak; buluke tolnam elang paknam kídíde are kaimang.

⁶ E Jakobke Shédía, nokke bulum morítduem guré elang bulum dugbomne siletkai.

⁷ Idakkom RuutumA no takamke pesorunamko! Nokke marlísayém séko nom dakka sulayéne?

⁸ Teyong amotelok nokke bisarem no poto; tani amonge pesola asoope dunggekai.

⁹ Nokke bisar agomde tani amoso iréénam takamem mopít dokupe lunamko.

¹⁰ Tani kídíke marname nom koyit penamem bojé modung; mimaklo turtílna kídíe nokke gíídíem bomyé.

¹¹ Ruutum nokke Shédíkíng nokke pébi sunamem bilangka; duunínna angu opín kídía, bíkkíng aman boma bilangka. Shédí bí, tanie bím pesodope idung.

¹² Bí míngkímsuna roja oo kídíem momapdung, bottena roja kídíem morítdung.