MIRILUNGGU 61 - DEENA BAIBÉL (BSI)

Mosing Toika Emla Kumnamko

¹ E Shédía ngokke kapnamem tattoka; ngokke kumnamem tatgap bilangka!

² Ngo molayimape idula, moote lokke nom gokdung.

³ Kapeila no ngokke tamte, ngokke miruem edíípe tolya sunane.

⁴ Ngom nokke deena notkolo yénamem duumoi; nokke labbíng rumkílo edíípe duumoi.

⁵ E Shédíe, no ngokke pésunamem tatto, nokke amínem pesogena kídíke duubomsunam tarongem ngomte no bito.

⁶ Rojalokke yénamem yétee motoka, bím duudan teteng molangka!

⁷ E Shédía, nokke keralo bí rojape duuyar langka; nokke ooyimana ayang loklang míngkelok bím mosing langka.

⁸ Dekepe iname loodíke ngo aman bipe emla nom pébi sunamem bidula, ngo nom agínpe miripe rínggeyé.