MIRILUNGGU 57 - DEENA BAIBÉL (BSI)

Igul Rogula Kumname

¹ E Shédía, ngom ayatoika, ngom yaasamtoika. Kapeila ngo nokkelo rusi sukupe aadung, nyokmopena gumname gíbítma tetengem, nokke labbíng rumkílo ngo duusi sugepe.

² Teyong yalum Shédí kíng ngo kapguto, ngokke legape bíkke míínamem ipíína Shédíkíng ngo kapguto.

³ Teyong among telok bí igulem melíkla ngom ituryéku; bí ngom irééna kídíem ikumyé. Shédíbí ngom bíkke ooyimana ayangem, delokke míngkengem lengkanyé.

⁴ Tani dona myone kísa, ngom mirue gargo bomdung. Buluke iipade gíníng, delokke yokmo akame, buluke ayode ratnarung yoksa akame.

⁵ E Shédía, nokke bottenamem taleng telok lengkantola, delokke angun ralnamem among tabung so bíísét molangka.

⁶ Ngokke miru kídíe ngom umdope esapko donlíkto; ngokke adírsi dírbong kabong. Bulu ngokke gípeko bedalo arungko kooto, idola bulu agí agísue delo olíksukai.

⁷ E Shédía; ngokke berokpe míídír sunamko kadung; ngo mirilok nom rínggeyé!

⁸ Ngokke aide gereplangka! Ngokke tapung taode gereplangka! Ngo doonyiem utyé!

⁹ E Ruutume, ngo nom opín gooralo yidgeyé. Ngo mití-milíng gooralo nom rínggeyé.

¹⁰ Nokke duuyarna ayange teyong amongem píídung, nokke edííname talengem píídung.

¹¹ Nokke bottenamem lengkan toyika E Shédía, delokke angun ralnamem among so lengkan langka.