MIRILUNGGU 49 - DEENA BAIBÉL (BSI)

Are Kamana Miremlo Míídasuname

¹ Ami takame sim tatlangka; tani gíídang so dungkína takame tatlangka,

² botte amé kamape, mirem delokke opan takame tatlangka.

³ Ngokke míínam si eerídung; ngo kénnam agomem poyé.

⁴ Ngo ngiitom agomem tatgapyé, delokke ngo tapung agomlok legangem mutkan biyé.

⁵ Ngo gííma-siimuem pesomang, mirue ngom gargo dakkom pesomang,

⁶ agí ekuranglo míídasuna atímana ami, agí kaanam remnamlo míngkím sunemkom pesomang.

⁷ Amide agíem repít sulamang; demangkom Shédíme agí turnam ayanem dorlamang,

⁸ kapeila tani turnam adumde bottene, bíkke dorlanam atídekom adumem apíímang.

⁹ Kapeila bí nyokyimape duuyar tetepene.

¹⁰ Amikone kénna amiete nyokdope, delokke mide amiela, atí kénmana amiete akampe nyokdope kaayé, delokke bulu agí ekurangem amikepe sinyoyé.

¹¹ Bulu buluke among amíne kasutuakom, buluke agode buluke ekumsupe iyarkai, yénam-siinam loope buluke dungkepe iyarkai.

¹² Tanike bottenamde bulum sinam lokke mopít kumang; bí simon-sili kísape sila dooyé teteng.

¹³ Agí teyolo míídasuna kídíem kaasutoka. Agíke ekuranglo míngkímsuna kídíem kape idudí kaasu langka.

¹⁴ Sinamde buluke mér ruutume, bulu mér kísape siyé, delokke buluke ekum mootelo, siko-nyokko amolo buluke simang amíle yaarongem deenampe yéna kídíe bulum ikumyé.

¹⁵ Idakkom Shédí bí ngom sinam lokke mosiiyé, delokke toríksuyé.

¹⁶ Akone miremdo emla pesue emla míímapeka, akonke ekurange jédo emla aang omapeka.

¹⁷ Kapeila bíkke siyém bí atí bomkumayé; bíkke sérangde bíkkíng agolo gítak sumayé.

¹⁸ Bíkke turdung anyongem bí ashéngpe míísutuakom, delokke akone agíke inam-saanamem yidkím sutuakom,

¹⁹ buku kídíke akampe edílote angun kaayimayé.

²⁰ Tanike bottename, agíem sinam lokke kiirep kumayé; bí simon-sili akampe siyéku.