MIRILUNGGU 47 - DEENA BAIBÉL (BSI)

Botteyalumpe Yébone

¹ Ami takame alage pilíklangka! Shédíme írgarupe ríngge langka!

² Kedon yalumna Ruutum bí pesorunamko, tani among tabung so bottepe yébomna roje.

³ Ngolu amiem ikumdope bí bito, opín-buang kídarem yébomdope ngolum bí bito.

⁴ Bí ngoluke dungkeng amosim ngolukepe meruu bitung, bíkke ayanam ami kídíke bottepe míísubomko amongem bitung.

⁵ Shédí bí agíke palenglo sangkaku. Delo ashéng-angame tapung adude kado.

⁶ Shédíme miripe ríngge langka, ngoluke rojem ríngge langka.

⁷ Shédímin tani among tabung sokke roje, bím miri lula ríngge langka!

⁸ Shédíbí bíkke deena palenglo dung; Bí opín-buang kídíem kaabomdung.

⁹ Angu opín lokke ruutum kídíe, Abrahamke míngkesunam Shédíke ami kídílo lekope dumsudo. Kapeila takam tani among sokke sipaying emte botteyana Shédí bí, botterupe yidge penamko.