MIRILUNGGU 3 - DEENA BAIBÉL (BSI)

Igulem Kola Rokompe Kumname

¹ E Ruutum, ngokke mirue deddíko kadung, bojéko ngom akne kadung.

² Bulu ngokke legangem sikepe podung, “Shédí bí bím igulmayé.”

³ Idakkom, E Ruutum, no ngokke gérma paamo peko lokke tamte, ngom ikumnamem bine delokke mirammone.

⁴ Ngo Ruutum bíkkíng kabbi suyém, bí deena díítelokke ngom poyan sudung.

⁵ Ngokke kedduemlang ipduem Ruutum ngom kaabomdo.

⁶ Ngom míílola aabomne midum éjare ngom gargong dokom ngo pesomang.

⁷ E Ruutum, dareptola! Ngom mosiitoika, E ngokke Shédíe! Kapeila no ngokke miru takamem ingééto, delokke ngom iyansula yimadope bulum no ito.

⁸ Ikumnamde Ruutumke; nokke ayang igule nokke ami kídílo duudak langka.