MIRILUNGGU 26 - DEENA BAIBÉL (BSI)

Aina Amilokke Kumname

¹ E Ruutum ngokke legangem pokan langka, kapeila ngo ibaanam atíem idung, delokke nom apíípe míngke sudung.

² E Ruutum ngom ikangkíla kangkí langka, ngokke mííyi míísangem ankang kílangka.

³ Nokke nyokyimana ayade ngom sutlíkne. Nokke míngkede ngom gíbone.

⁴ Mena yadna amilo ngo angong imang, ngo aromana amikídílo yébo sumang.

⁵ Ngo atímape agér ina angong arumem mínggoddung, delokke mirul amiem ngo mepakdung.

⁶ E Ruutum, deenam tetengem kaanape ngo ngokke alagem subín sudung; delo nokke runggulo gídung.

⁷ Ngo yidgenam miriko ludo, delokke nokke irisinyo agérem pogedo.

⁸ Nokke dungko ekumem ngo ayadung, E Ruutum nokke angun ralnam dungko amongem ngo kaalídung.

⁹ Ngom paabna kídílo pettak sumayika, delokke petna-mona amikídí sipe kolokke, ngom mosing toika.

¹⁰ Míísi-míírumna kídílokke, delokke agínpe bisup-birumna ami kídílokke ngom mengu sutoika.

¹¹ Ngokke pedan, ngo ibaa sunamem isudung, ngom yaasamla mosing langka!

¹² Ngo gérma-paamo takam lokke pesopeko kamang, bottena ami duusum keralo ngo Ruutum me koyitdung.