MIRILUNGGU 24 - DEENA BAIBÉL (BSI)

Bottena Roje

¹ Taleng kuppo, delokke sokke atí takamde Ruutumke; amosilang so duuna takam si bíkke.

² Bí dem siyéng asilo melíkto, delokke korong asilo dem díílíkto.

³ Ruutumke díítelo séko saabadune? Bíkke deena amolo séko aabadune?

⁴ Deena aapílok agér ina delang aidem menamlo melík sumana, delokke menamlok pésumana aidemin bíkkíng aadune.

⁵ Ruutumkíng bí bulum lubiyé, delokke mosiiyé; Shédí bí bulum dengomne emla sanyé.

⁶ Sikepemin bím matana siirum kídíelang, Jakobke Shédíke mingmuem matana kídíe idune.

⁷ Luyab kídíem bortakdope kiiyatoka, konnying mennying kake eyab kídíem siyyatoka, delo bottena Rojade aayé.

⁸ Séko botteruna Roja si? Bí tolna ralna, mimagem mokumbona Ruutum bímoko.

⁹ Luyab kídíem kiiyatoka, konnying mennying kake eyab kídíem siyyatoka, delo bottena Roja bí aayé.

¹⁰ Bottena rojade séko? Ikumbona Ruutum bímin bottena Rojade.