MIRILUNGGU 23 - DEENA BAIBÉL (BSI)

Ruutum Bí Ngolume Kaabomne

¹ Ruutum bí ngom kaabomne, ngo atí píírammayé;

² bí yayingko miibínlo ngom apéé modung, delokke asi reyiina ampelo gíman bodung.

³ Bí ngom anípe ralmodungku, bí ngom yéjinam bedalok agíke pébi sukampe gíbodung.

⁴ Ngo sipeko bedalok gídokom ngo atímanem pesomang, kapeila no ngokkíng dung; nokke banggén delang nokke boyikde, ngom míídíí sumodung.

⁵ No ngokke mirukídí keralo domanko ngom iboto, no ngokke dumpolo tél nyoola ngokke ashéng batiem bíísét moto.

⁶ Ainam elang ayange ngokke turdung tabungem ngokkíng duumín geyé; delo ngo Ruutumke dungkolo agínpe duumín geyé.