MIRILUNGGU 20 - DEENA BAIBÉL (BSI)

Ikumdope Kumnamko

¹ Ruutum bí nokke adírdo longem kaayé! Jakobke Shédí bí nom mosiiyé!

² Bí igulem bíkke Kumkeng Ekumlok nokkíng melíkyé; delokke Jayon díítelok igulem melíkyé!

³ Bí nokke aman binam takamem torík sudak langka delokke nokke biman sunam takamlo ashéng daklangka.

⁴ Nokke aapí-aang míísang takamem bí bidak langka. delokke nokke míírung sunam takamem apíí modak langka.

⁵ Delo ngolu nokke ikumnamem kaala ashéngem goggeyé delokke Shédíme rínggedola írgape imanyé. Ruutum bí nokke konam takamem ipííng bidak langka.

⁶ Supak ngo kéndung, Ruutum bí bíkke tosak namem igulyé; bí bíkke deena teyong amolok pobiyé, bíkke pauarlok berokpe ikumnamem bí bidung.

⁷ Ayokone mimak gaarilo, delokke ayokone gurélok ikumnamem míída sudung, idakkom Ruutum ngoluke Shédíke ralnamlo ngolu míngke sudung.

⁸ Bulu tupsula oletyé, idakkom ngoludan gerepla dakyé.

⁹ E Ruutum, rojem ikum motoika, ngoluke gogyém tatbika.