MIRILUNGGU 15 - DEENA BAIBÉL (BSI)

Shédíke Míínam Atí Kídíe

¹ E Ruutum, séko nokke Kumkeng Ekumlo gíayéne? Séko nokke deena dííte Jayonlo kumsuyéne?

² Séko amie atí takamlo Shédíme mínggela, agínpe aina agérem idudí, sékoke agom-aange arola tetedudí;

³ séko akonem puak-luak límadudí, séko agí angongem ibuusumadí, delokke agí kumríem pokung lukumadí;

⁴ séko Shédíke mepaknamem mepakdudí, idakkom Ruutum me beleng genem mínggedudí. Séko agíke pébisunamem iyarla dem anguyape imadí;

⁵ séko apekyang langkumape murkong narnem bipoodudí, delokke imem ajéngem bipísupe bisup sunam amanem laamadí. Séko sim takam sim idudí, bí edíng ayarla duuyé.