MIRILUNGGU 149 - DEENA BAIBÉL (BSI)Rínggenam Miriko 1 Ruutum me ríngge langka! Ruutum kíng miriko lulangka; bím míngkesuna amikídí gooralo bím yidge langka! 2 Israel, nokke Pílenna Ruutumke legalok ashélangka, Jayon nokke rojake legalok erlangka! 3 Bíkke amínem mirimola ríngge langka; dumdum dííla, tapung mulla bím rínggelangka. 4 Ruutum bí bíkke ami kídíem mííbadung; bí dengomnem ikumnamem bila mínggedung. 5 Mimaklo ikum kolok Shédíke ami kídíem ermolangka, delokke ashérupe yoh rubungem miri lulangka. 6 Buluke ranna yoksem alaglo orbomla, Shédíme rínggela gokbat motoka. 7 Angu opín kídíem ikumdope, delokke amikídíem ingéédope, 8 buluke rojem ikolilok ríndope, ruutum kídíem arem ikolilok yéédope, 9 Shédíke lulíknampe mipak kídíem ingéédope, gokbat motoka. Simin Shédíke amikídíke ikumname. Ruutum me ríngge langka! |
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.
Bible Society of India