MIRILUNGGU 14 - DEENA BAIBÉL (BSI)

Ami kídíke Rulname

¹ Mide kídíe podung, “Shédí kamang.” Bulu takame atímang, delokke bulu igotrunam atíem idung; sékote aina atíem ina kamang.

² Tanie kampope yéla Shédíme kumsuna atel kokom kamadí emla teyong among telokke Ruutum bí tani yékulem kaatok sudung.

³ Bulu takame gínyokkai, bulu takame asampe atímape yéto; buluke aralo sékote, atelkote aina agér ina kamang.

⁴ Ruutum bí podung, “Atímana mirul ami kídísi midekía? Bulu ngokke ami kídíem pyooyine, idola edílote ngom bulu kumkímang.”

⁵ Idakkom delo bulum morítyé, kapeila Shédí bí bím beleng genem ayang sudung.

⁶ Améngope míísuna míídíí sunem, atímana amie ibuldung, idakkom Ruutum bí bím mosiidung.

⁷ De Israelkepe ikum bonade Jayonlok lenyé! Edílo Ruutum bí Israel ami kídíem jémo yékudí, delo edítko Israel amikídíe ashéng yékune.