MIRILUNGGU 130 - DEENA BAIBÉL (BSI)

Iguldope Kumname

¹ Ngo míngasudola Ruutum nom gokdung.

² Ruutume, ngokke goknamem tatbika! nokke nyorunge ngokke rogunam agomem tatgapbika!

³ No ngoluke paab kídíem san-gapla metumílo, paab ajéngem sékoda duksi gelayéne?

⁴ Idola no ngolum edo sanmang, delok ngolu nom pesogedung.

⁵ Ngo Ruutumke igulem erappe toyala dung, delokke bíkke agomlo ngo míídasudung.

⁶ Sontorie píangem erappe toyanam empemílo, sontorie píangem toyanam em pakyape ngo Ruutumme toyala dung.

⁷ E Israel, Ruutumkíng míínam sulangka! Kapeila bíkke ayade duuyarne, delokke bí agínpe mopít lídung.

⁸ Bí bíkke Israel amiem buluke paab takamlokke mopítyé.