MIRILUNGGU 128 - DEENA BAIBÉL (BSI)Ruutum me Tatna Kídílo Amane 1 Ruutum me pesogena kídíde, bíkke bedalok gína kídíde gérne! 2 No agíke ilensunam ayém dosula, no ashéyé delokke jéyé. 3 Nokke mime onggur ayé éédukna kísape nokke ekumlo iyé; delokke nokke koo kídíde olib esing kísape, nok tébulem gargong bomyé. 4 Kaalangka, Ruutum me mínggena kídíe dekepe iyé. 5 Ruutum Jayon díítelok nom lubééyé, nokke turdu tetengem Jirusalemem jédope kaayé. 6 Nolu noluke oten ome-oo kídíem kaayé. Israello yéponame duudaklangka! |
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.
Bible Society of India