MIRILUNGGU 127 - DEENA BAIBÉL (BSI)Shédíke Ainamem Koyitname 1 Ruutum bí ekumdem momamílo, dem mona kídíde mosampe modung. Ruutum bí taon dem kaabom mamílo, kaabomna amide darbom tokom darsame. 2 Rokompe gerepla, yumem dartíla ibomsunam turkeng agérde gérsame. Legade Ruutum bí bíkke ayanamem buluke ipnge sudungem bidung. 3 Kaalangka koo kídíde Ruutumke biname, bulu aro gérname. 4 Amilokke oo kídíde yaamédungem, sipaying kídíke epuk kísadung. 5 Sikepe deddína epuk bomnade gérne, yapgolo mibuem ríksula lumín sudokom bí donggemayé. |
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.
Bible Society of India