MIRILUNGGU 12 - DEENA BAIBÉL (BSI)

Iguldope Kumnamko

¹ Ngolum igultoika E Ruutum! So ami aina atelkote paayimang; tetena amirung paayimang.

² Bulu mipile menam mílílok pobosudung; aapí annyi gedung. Bulu mipile luyit-lukollok ludung.

³ Ruutum bí luyit-lukot nana nabbélem kítkemla delokke bottepe yidkímsunana ayodem gatpak daklangka. Buluke sikepe ponana nappangem kítkemtoka,

⁴ “Ngoluke míínamem ngoluke agomlok paadung. Ngolu ingkuem míídudí dem ngolu poyé, delo sékokom ngolum lutum lana kamang.”

⁵ “Opan-aréénem itung-irétung, delokke atung-arééna kídíe sigíndung, dekepeila supak ngo darepyé, delokke bulum irééna kídíem ngo itumyé,” emla Ruutum podung.

⁶ Ruutumke pébisunamde arorunge, aremem mepomlo lemkínít kokai romkaanam kísadung.

⁷ E Ruutum, ngolum mosing toika, sok yérum sokke ngolum kaabom toika.

⁸ Rego mipílo atímana mirue manggoodung, tani gooralo atímanam agérem koyitdung.