MIRILUNGGU 114 - DEENA BAIBÉL (BSI)Gíbong Gíídí Miriko 1 Edílo Israel amikídíe Ijipt em lenbít tokudí, edílo Jakobke otíng kídíe mibo amonglok lentokudí, 2 Judah bí Ruutumke deena amipe, Israel bí bíkke duubomnampe ikai. 3 Silíng Siyénge kaasula duknyok gekai, Jordan koronge pooyipe igekai. 4 Dííte sobén kísape sumonto, mérbéno kísape etpange pokto. 5 E Siyénga, kapeila no duggekane? delokke Jordan nokom kapeila eelat sukakune? 6 Dííte nolu sobén kísape kapeila sumonkane? Etpang kídía, kapeila nolu mérbéno kísape pokdune? 7 E amonge, Ruutumke keralo aange amétola, Jakobke Shédí keralo pesuem dan-getola. 8 Bí líírengem paatang asipe imodungku, delokke dííte orgíngem sirung asi tokdope imodungku. |
Adi (Re-edited) Bible - Deena Baibél
Copyright © Bible Society of India, 2012.
Used by permission. All rights reserved worldwide.
Bible Society of India