MIRILUNGGU 112 - DEENA BAIBÉL (BSI)

Aina Amilokke Ashénge

¹ Ruutum me koyitlangka! Bíkke lulígem erappe igenade gérne.

² Bíkke otíng oyinde amoso ralyé; yéjinalokke siirumde géryé.

³ Jénam remname bíkke ekumlo dung; delokke bíkke deenampe yénamde duuyaryé.

⁴ Aina amikídí legape kaamolote angune ngundung, kapeila bulu ayaneke, yaasamneke delokke deeneke.

⁵ Aapí daadééla bidarla delokke agí legangem jonnamlok inade aine.

⁶ Kapeila deenampe yéne edílokom irammayé, bím agínpe míípang suyaryé.

⁷ Bí atímana lukanbinam em tatla pesomang, bíkke aangde Ruutumkíng míídasula edíídung.

⁸ Bí peso atí kamape miruem ikumyé emla míísudung.

⁹ Bí pííram sémona kídíem bidarpe bidung; bíkke deenampe yénamde duuyaryé. Bí míídíng nampelang mínggenampe iyé.

¹⁰ Atímana mirul kídíe dem kaala mardung. Bulu kangkipe kaadung idola nyoksudung; buluke mííbom namde agínpe míísam sudung.